सरुमारानी गाउँपालिकाको दोश्रो गाउँसभाको १६ औं अधिवेशन शुक्रबार देखि सुरु भएको छ ।

अधिवेशनमा आ.व.२०८०/०८१ को प्रारम्भिक लेखा परिक्षण प्रतिवेदन उपर छलफल गर्ने मुख्य एजेण्डा रहेको प्रवक्ता सोमैले जानकारी दिए ।

महालेखा परिक्षकको कार्यालयले गत आर्थिक वर्षमा करिव ९ करोड वढी बेरुजु देखाएको छ । गाउँपालिकामा अनुदान शिक्षकको तलव, स्वास्थ्यका कर्मचारीको तलव, हेफरसंगको साझेदारीमा भएका केही कार्यक्रममा गतवर्ष बेरुजु उल्लेख गरेको छ भने केही पुरानो वेरुजु फर्छ्यौट गर्न बाँकी रहेको सौमैले बताए ।

अधिवेशनमा गाउँपालिका अध्यक्ष झग बहादुर विश्वकर्माले पत्र वाचन गरी १६ ओै अधिवेशन सुरु भएको घोषणा गरेका थिए । गाउँपालिका प्रवक्ता चिन्त सोममगरै, ५ नं. वडा अध्यक्ष लक्ष्मी पल्ली, वडा नं. १ का वडा अध्यक्ष नर बहादुर जि.सी.ले गाउँसभाको सफलताको शुभकामना व्यक्त गरेका थिए ।