नेपाल बचत तथा ऋण केन्द्रीय सहकारी सङ्घ नेफ्स्कुन को ३३ औ वार्षिक साधारण सभा शुक्रवारदेखि बुटवलमा सुरु भएको छ ।

शुक्रवार र शनिवार चल्ने साधारण सभा तथा गोष्ठको नेपाल सरकारका भूमि व्यवस्था, सहकारी तथा गरिबी निवारण मन्त्री बलराम अधिकारी,  र नेफ्स्कुनका अध्यक्ष चन्द्र ढकालले संयुक्त रूपमा उद्घाटन गरेका छन् ।

वार्षिक साधारण सभाको अवसरमा विजय फूलबारी बचत तथा ऋण सहकारी संस्था लिमिटेड प्युठानलाई लुम्बिनी प्रदेशको उत्कृष्ट बचत तथा ऋण सहकारी संस्थाको रूपमा सम्मान गरिएको छ । कार्यक्रमका प्रमुख अतिथि मन्त्री बलराम अधिकारी तथा नेफ्स्कुन अध्यक्ष ढकालले संस्थालाई सम्मान गरेको संस्थाका व्यवस्थापक प्रकाश वैद्यले जानकारी दिए ।

सहकारी विभागका रजिस्टार पिताम्बर घिमिरेले सहकारी समस्या र आगामी कार्य योजना बारे र राष्ट्र बैङ्कका उपनिर्देशक रमेश पोखरेल सहकारी सञ्चालकले ख्याल गर्नु पर्ने विषयको कार्यपत्र प्रस्तुत गरेका थिए। साधारण सभाको बन्द सत्र आज(शनिवार) चल्दै छ ।

नेफस्कुनले पहिलो पटक राजधानी बाहिर साधारण सभा गरेको हो ।