२०८१ पौष ७नेपाली कांग्रेस प्यूठानले जिल्लामा पालिका सम्मेलनहरु सुरु गरेको छ । शनिवार सरुमारानी गाउँपालिकाको बांगेशालबाट पालिका सम्मेलनको उद्धघाटन गरिएको नेपाली कांग्रेस प्यूठानका सभापति बिष्णु कुमार गिरीले जानकारी दिए।
सबै पालिका वडा तहसम्मका पार्टीको सम्मेलन गर्ने गरि मिति तय गरिएको छ । पालिका सम्मेलन पौष ६ गतेदेखि पौष १६ गते सम्म सक्ने गरि निर्णय भएको गिरीले बताए।
सरुमारानी गाउँपालिकामा भएको कार्यक्रममा पालिका सभापति लक्ष्मण जि.सी.को अध्यक्षता रहेको थियो । कार्यक्रममा नेपाली काँग्रेस प्रदेश सहमहामन्त्री निमा गिरीको प्रमुख आतिथ्यता, प्यूठान जिल्ला सभापति विष्णु कुमार गिरी, रोल्पा जिल्ला सभापति किशोर कुमार आचार्य, लुम्बिनी प्रदेश सभा सदस्य धनलक्ष्मी श्रेष्ठको आतिथ्यता रहेको थियो ।
७ गते माण्डबी गाउँपालिका , ८गते स्वर्गद्वारी नगरपालिका, ९ गते प्युठान नगरपालिका, १० गते मल्लरानी गाउँपालिका, १२ गते ऐरावती गाउँपालिका, १३ गते झिमरुक गाउँपालिका, १४ गते गौमुखी गाउँपालिका र १५ गते नौबहिनी गाउँपालिकामा सम्मेलन गर्ने तय भएको जनाईएको छ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
