News Portal

रेडियो सुन्नुहोस्

बृहत् विजुवार खानेपानीलाई २३ करोड बजेट सुनिश्चितता, स्थानीय खुसी

झुलेनी नेटवर्क२०८१ माघ ८
६७५ पटक
२०८१ माघ ८

प्यूठान नगर क्षेत्रको खानेपानी अभाव समाधानका लागि नौबहिनी गाउँपालिका वडा नं. ५ गाबै खोलाको पानी ल्याइने भएको छ । गाबै खोलाको विजासरे मुहानबाट पानी ल्याएर प्यूठान नगरपालिका वडा नं. १,२,३,४, ७ र ८ नम्बर वडामा खानेपानी आपूर्ति गर्न बृहत् बिजुवार खानेपानी आयोजनाका लागि अर्थ मन्त्रालयले २३ करोड बजेट सुनिश्चित गरेको छ ।

हाल बृहत् खानेपानी अन्तरगत झन्डै २ हजार उपभोक्ताले प्रयोग गर्दै आएका छन् । ६ ठाउँबाट लिफ्ट प्रविधिमार्फत पानी तानेर खानेपानी वितरण हुँदै आएको छ । बजेट सुनिश्चितताले उपभोक्ताको धारोमा १ घण्टाभन्दा बढी पानी पठाउन नसकिएको अहिलेको समस्या समाधान हुने र बजार क्षेत्रको खानेपानी समस्या समाधान हुने आयोजनाकी अध्यक्ष जानका केसी ले बताइन । ५ वर्ष देखी मुहान दर्ता, डिपिआर लगायतका कामको प्रक्रिया अगाडी बढाएकोमा अहिले बजेट सुनिश्चित भएपछि उनले खुसी व्यक्त गरिन् ।

केसीका अनुसार सुरुका वर्षहरूमा मुहान नपाएरै समस्या झेल्नुपरेको थियो । भने, डिपिआर स्वीकृत गर्न पनि लामो समय लागेको थियो । खानेपानीको पहिलो ट्याङ्की देखि ३६ किलोमिटरको दुरीमा पर्ने गाबै खोलाबाट आएको पानी दम्तीमा ट्रिटमेन्ट प्लान्टमा सुद्धिकरण गरेपछि वितरण योजना छ ।

बजेट सुनिश्चिततापछि प्यूठान नगरवासीका लागि यति ठुलो खुसीको क्षण यसअघि विरलै आएको हुनसक्ने प्रतिनिधि सभा सदस्य सूर्य बहादुर थापा क्षेत्रीले बताए । पुरानो आयोजनाको ब्याज भुक्तानी, नियमित मर्मत सम्भार र बिजुलीको विल भुक्तानीका लागि उपभोक्तालाई निरन्तर समस्या भएपछि समितिको आग्रहमा बजेट सुनिश्चितताका लागि आफूले खानेपानी विभाग र अर्थ मन्त्रालयमा विगत १ वर्ष देखी पहल गरेको थापाले बताए । आयोजना समयमै गुणस्तरीय र प्रभावकारी रूपमा सम्पन्न भएपछि नगर क्षेत्रको खानेपानी समस्या समाधान हुने उनको भनाई छ ।

एसियाली विकास बैङ्क, नेपाल सरकार साना शहरी खानेपानी आयोजना र स्थानीय उपभोक्ताको ८ करोड भन्दा बढीको लागतमा आयोजना २०५८ मा बनेको थियो । ठुलो लगानीमा निर्माण गरिएको योजनाले धारामा धमिलो पानी आउने, यन्त्र उपकरणहरू मर्मत सम्भारमा समस्या, चर्को विद्युत् महसुल लगायतका समस्या झेल्दै आएको छ ।

२०५८ सालमा एक हजार ४ सय घरधुरी लक्षित गरेर नौबहिनी गाउँपालिकाको बल्लेखोलाबाट पानी ल्याइ प्यूठानको मुख्य व्यापारिक केन्द्र बासीहरूको प्यास मेटाउने अवधारणमा सुरु गरिएको वृहत् योजना बजेट अभाव हुँदा लिफ्ट खानेपानी बनाएर पूर्ति गरिएको थियो । गेजवाङमा २ वटा, बाग्दुला , टिकुरी, भौका र दाखाक्वाडीमा एक एक वटा सम्वायल (मोटर ट्याङ्की) बाट लिफ्ट मार्फत पानी तानी वितरण गरिएको आयोजनाका कार्यालय प्रमुख शरद सुवेदीले बताए । उनका अनुसार बर्खा याममा दैनिक ८ लाख लिटरसम्म वितरण गर्ने भए पनि गर्मी महिनामा ५ लाख ५० हजार लिटर मात्रै पूर्ति हुने हुँदा उपभोक्ताहरूलाई पानी पू¥याउन वृहत्ले सकिरहेको छैन ।

अर्थ मन्त्रालयमार्फत श्रोत सुनिश्चितता भएपछि स्थानीय खुसी भएका छन् ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

दहखोलामा सिद्ध मन्दिर उद्घाटन गरिदै, दशनामी गिरीहरूको कुलपूजा हुने

झिमरुक गाउँपालिका–६, दहखोलास्थित नवनिर्मित श्री सिद्ध मन्दिरको उद्घाटन तथा दहखोलाका दशनामी महन्त गिरीहरूको कुलपूजा भोलि...

खलंगामा तीन वामपन्थी दलको संयुक्त कार्यक्रम सम्पन्न

प्यूठानका तीन वामपन्थी दलको संयुक्त आयोजनामा शुभकामना आदानप्रदान कार्यक्रम सम्पन्न भएको छ। नेकपा (एमाले), राष्ट्रिय...

नेकपा झिमरुकद्वारा जागरण अभियान उद्घाटन

नेपाली कम्युनिष्ट पार्टी झिमरुक गाउँपालिका कमिटीले दुई महिने राष्ट्रिय जागरण अभियान सुरु गरेको छ ।...

नेकपाद्वारा प्यूठानमा राष्ट्रिय जागरण अभियानको उद्घाटन

नेपाली कम्यूनिष्ट पार्टीले प्यूठानमा राष्ट्रिय जागरण अभियानको उद्घाटन गरेको छ। सोमबार विजुवार स्थित सहिद प्रतिष्ठानको...

विजयपथ कप–२०८३ को उद्घाटन, १० टोलीको सहभागिता

प्यूठान नगरपालिका वडा नं. ३ विजयनगरको आयोजनामा सञ्चालन हुन लागेको अन्तरपालिका स्तरीय पुरुष भलिबल प्रतियोगिता...