२०८१ माघ १६जिल्लाका ३ स्थानीय तहमा एकै दिन राष्ट्रपति रनिङ सिल्ड उद्घाटन गरिएको छ । स्वर्गद्वारी नगरपालिका, माण्डवी गाउँपालिका र झिमरुक गाउँपालिकामा राष्ट्रपति रनिङ सिल्डको उद्घाटन गरिएको हो ।
माण्डवी गाउँपालिकामा अध्यक्ष नमराज अधिकारीको अध्यक्षतामा भएको कार्यक्रममा संविधान सभा सदस्य नारायण प्रसाद अधिकारीले खेलको उद्घाटन गरेका छन् ।
त्यस्तै स्वर्गद्वारी नगरपालिकामा नगरप्रमुख टेकप्रसाद भण्डारीको अध्यक्षतामा भएको कार्यक्रमको उद्घाटन लुम्बिनी प्रदेशका सहरी विकास तथा खानेपानी मन्त्री सरोज थापाले कार्यक्रमको उद्घाटन गरेका छन् ।
झिमरुक गाउँपालिकाका अध्यक्ष पित बहादुर महतरा क्षेत्रीको अध्यक्षतामा भएको कार्यक्रमको उद्घाटन जिल्ला समन्वय समितिका प्रमुख धरम बहादुर जिसी ले गरेका छन् ।
माण्डवी गाउँपालिकामा तेस्रो, झिमरुक गाउँपालिकामा चौथो र स्वर्गद्वारी नगरपालिकामा छैठौँ राष्ट्रपतीय रनिङ सिल्ड हुन लागेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
