सरुमारानी गाउँपालिका ५ सौराकोटमा निर्मित नेपाल टेलिकमको टावर सञ्चालनमा आएको छ। २०७६ सालमा निर्माण सुरु गरिएको टावरको बिहिवार प्रतिनिधि सभा सदस्य सूर्य बहादुर थापा क्षेत्रीले उद्घाटन गरेका छन्।

नेपाल सरकारका सञ्चार तथा सूचना प्रविधि मन्त्री पृथ्वी सुब्बा गुरुङलाई फोन गरेर सांसद थापाले टावरको सेवाको उद्घाटन गरेका थिए।

सञ्चालनमा आएको टावरबाट टुजी र फोरजी सेवा सञ्चालन हुने नेपाल टेलिकम तुलसीपुर कार्यालयका प्रमुख सन्तोष शर्माले बताए। टावर सञ्चालनमा आएसँगै त्यस क्षेत्रका जनताको सञ्चारमा पहुँच पुगेको सरुमारानी गाउँपालिकाका अध्यक्ष झग बहादुर विश्वकर्माले बताए।

उद्घाटन कार्यक्रममा जनप्रतिनिधि, कर्मचारी र स्थानीयको उपस्थिति रहेको थियो।