प्यूठान नगरपालिका ६ लम्छ्याङमा रहेको धर्मावती मावि ले ७० औँ स्थापना दिवस मनाएको छ । २०११ सालमा स्थापना भएको विद्यालयको स्थापना दिवसमा विविध कार्यक्रम गरिएको विद्यालय व्यवस्थापन समितिका अध्यक्ष केशव पुनले जानकारी दिए ।

कार्यक्रमलाई सम्बोधन गर्दै प्रमुख अतिथि एवं प्यूठान नगरपालिकाका उप प्रमुख देवेन्द्र वर्माले विद्यालय ले राम्रो प्रगति गरेको बताएका छन् । विद्यालयमा खड्किएका आवश्यकताका विषयमा आफू गम्भीर रहेको  र तत्काल समस्या समाधान तर्फ लाग्ने वर्माले बताए । 

वार्षिकोत्सव समारोहमा विद्यालयमा सत–प्रतिशत विद्यार्थी पास गराउने शिक्षक शिक्षिकालाई सम्मान तथा पुरस्कृत गरिएको छ । कक्षा ५, कक्षा ८ र एसइई मा सत–प्रतिशत विद्यार्थी पास गराउने विषयगत शिक्षकहरूलाई सम्मान गरिएको प्रधानाध्यापक पुष्पलाल पुनले बताए ।