नेकपा(एमाले)प्यूठानले नेपाली कांग्रेस प्यूठानले शुक्रबार बेलुका निकालेको विज्ञप्तीको खण्डन गरेको छ । नेपाली कांग्रेसले विज्ञप्ती जारी गरेर एमालेबाट निर्वाचित प्यूठानका प्रतिनिधि सभा सदस्य सूर्य थापालाई विभिन्न आरोप लगाएपछि नेकपा एमालेले शनिबार विज्ञप्ती निकालेरै त्यसको खण्डन गरेको छ ।

विष्टले जारी गरेको विज्ञप्तीमा जिल्ला समन्वय समितिमा राखिएको अन्तरक्रिया कार्यक्रममा प्रमुख अतिथिको रुपमा आमन्त्रित भई माननिय सूर्य थापा पुग्दा समानुपातिक सांसद धनलक्ष्मि श्रेष्ठलाई प्रमुख अतिथिको माईन्युटमा उपस्थिती गराईएको र सो माईन्युट पुनः मर्यादाक्रम अनुसार लेखिएको विषयलाई माईन्युट च्यातेको र च्यात्न लागाईएको जस्तो भ्रम उत्पन्न हुने गरी विज्ञप्तीमार्फत सम्प्रेसण गर्नु नितान्त अनुचित र अनैतिक भनिएको छ । त्यस्तै विज्ञप्तीमै टेलिफोन टावर उद्घाटनको विषयमा प्रतिनिधि सभा सदस्यको अपमान हुने गरी प्रदेश सभा समानुपातिक सदस्यकै मर्यादाक्रममा राख्न आयोजकलाई भनिएको विषयलाई अन्यथा लिनु घोर आपत्तिजनक भनिएको छ । सार्वजनीक मन्तब्यको रुपमा अभिब्यक्त केहि शब्दावलिहरुलाई विज्ञप्तीमार्फत विरोध गर्ने प्रवृत्ति नितान्त राजनीतिक संस्कारविहिन कार्य भएको भनिएको छ ।

शुक्रवार विज्ञप्ती जारी गर्दै नेपाली कांग्रेस प्यूठानका सभापति गिरीले प्रतिनिधि सभा सदस्य थापाले जिल्ला समन्वय समितिमा आयोजित कार्यक्रमको माईन्युट च्यात्न लगाएको, टेलिकमको टावर उद्घाटनमा ब्यानर टास्न नदिएको, र अपमानजनक अभिब्यक्ति दिएको लगायका आरोप लगाएका थिए ।