प्रधानमन्त्री केपी शर्मा ओलीले सङ्घीयताले प्रयोगमा लुम्बिनी प्रदेश सफल भएको बताएका छन् ।

सोमबार लुम्बिनी प्रदेश सभाको बैठकलाई विशेष सम्बोधन गर्दै प्रधानमन्त्री ओलीले संघीयताले विकासको ढोका खोलेको र तीनै तहका सरकारबीच सहकार्य आवश्यक रहेको बताए । सम्पदा, सभ्यता, ईतिहास र संकृतीको धनि लुम्बिनी प्रदेशले छोटो समयमा पूर्वाधार निर्माणको काममा तिव्रता दिएकोमा खुसि ब्यक्त गर्दै प्रधानमन्त्री ओलीले सबै तहका सरकारविच आवश्यक समन्वय हुनुपर्ने बताए ।

प्रधानमन्त्री ओलीले लुम्बिनी प्रदेश प्राकृतिक, सांस्कृतिक तथा आर्थिक रूपमा समृद्ध बन्दै गएको र यहाँको राजधानी सफलतापूर्वक कार्यान्वयनमा आएको बताए । संघीयतबाट विकास सम्भव छ भन्ने उदाहरण लुम्बिनी प्रदेशले प्रस्तुत गरिरहेको ओलीको भनाइ छ ।