माण्डवी गाउँपालिका २ मा श्रीमान-श्रीमतीको शव भेटिए नजिकै रगत लतपतिएको घन भेटिएको छ। प्रहरीले अनुसन्धानकै क्रममा उक्त घन फेला पारेको हो। दम्पतिको हत्यामा उक्त घन प्रयोग भएको हुनसक्ने प्रहरीले जनाएको छ।

स्थानीय ६० वर्षका राम बहादुर परियार र ५६ वर्षकी हुकुमा परियारको घरभित्र सुतेको अवस्थामा शव फेला परेको थियो। शनिबार दिउसोसम्म घरको ढोका नखुलेपछि स्थानीयले प्रहरीलाई खवर गरेका थिए। उनिहरुलाको सरिरमा गम्भीर चोट लागेको अवस्थामा शव रहेको थियो।

जिल्ला प्रहरी कार्यालय प्यूठानका प्रमुख डिएसपी दिपेश वस्यालको नेतृत्वमा शनिवारदेखी प्रहरी घटनास्थलमै खटिएको छ। सुरुदेखि नै प्रहरीले हत्याको आशङ्कामा अनुसन्धान थालेको थियो।

शङ्कास्पद ब्यक्तिमाथि निगरानी गरेर अनुसन्धान भईरहेको प्रहरीले जनाएको छ।