होटल व्यवसायी संघ तथा पर्यटन सुचना केन्द्र प्यूठानको १३ औ साधारण सभा तथा छैटौं जिल्ला अधिवेसन सम्पन्न भएको छ ।
सनिवार जुम्रीमा भएको अधिवेसनमा प्रमुख अतिथि प्रतिनिधी सभा सदस्य सुर्य थापाले होटल व्यवसाय जिवनको अभिन्न अंगको रुपमा विकास भएको बताए । साथै थापाले जिल्लाको स्वर्गद्धारीलाइ केन्द्रित गरि होटल स्थापना गरे पर्यटनको ठुलो सम्भावना रहेको बताए ।

कार्यक्रममा बोल्दै विषेश अतिथि होटल व्यवसायी महासंघका केन्द्रिय अध्यक्ष दिनेस कुमार जुकेले नेपालमा १० लाख भन्दा बढि होटलहरु रहेको बताएका छन । उनले होटल व्यवसायीहरुलाइ पर्यटनमा टेवा पुग्ने गरि संस्कार सहितको व्यवसाय संचालन गर्न आग्रह गरेका छन ।

होटल व्यवसायी संघ तथा पर्यटन सुचना केन्द्र प्यूठानका अध्यक्ष जुद्द बहादुर कुवरको अध्यक्षतामा भएको कार्यक्रमको संचालन महासचिव लिलाधर न्यौपानेले गरेका थिए ।

संघको नेतृत्वमा सहमती हुन नसकेपछि चुनाव गरिएको छ । अध्यक्षको लागी लिलाधर न्यौपाने र बसन्त भण्डारीले प्रतिष्पर्धा गरेका छन् ।