मानसिक स्वास्थ्य प्रवद्र्धना लागि योग ध्यान कार्यक्रम अन्तरगत बाग्दुलामा ३० जनाको निशुल्क स्वास्थ्य परिक्षण गरिएको छ ।

प्यूठान आयुर्वेद स्वास्थ्य केन्द्रले आयोजना गरेको निशुल्क स्वास्थ्य परिक्षण कार्यकममा पतन्जली योग समिति मार्फत बाग्दुलामा नियमित योग गरिरहेका ३० जना स्थानीयकोे मदुमेह , उच्च रक्तचाप , उचाइ अनुसारको तौल जाँच गरिएको हो ।

जाँच गरिएकाहरुमध्य उच्च रक्तचापको समस्या भएका विरामी ९ जना , मदुमेह (सुगर) का विरामी ५ जना र उचाइ अनुसार तौल बढी भएका विरामीहरु २४ जना पहिचान भएका छन ।

२०६८ सालदेखी बाग्दुलामा सुरु गरिएको योग अभ्यास हाल पतन्जलिको आफ्नै हलबाट नियमित ४० जनाले योग गरिरहेको पतन्जली योग समिति प्यूठानका अध्यक्ष केदारमान कक्षपतिले बताए ।

नियमित योग गरेर शरिर तन्दुरुस्त हुने भन्दै पतन्जली योग समिति लुम्वीनी प्रदेसका सदस्य माधव प्रसाद भण्डारीले आफ्नो प्रेसर र युरिक एसिड कन्ट्रोल भएकोे बताए । उनले सवैलाइ नियमित योग गर्न आग्रह गरेका छन ।

हाल प्यूठान आयुर्वेद स्वास्थ्य केन्द्रले जिल्लाको क्वाडि बालमन्दिर र जिल्ला समन्वय समिति खलंगा गरि २ वटा ठाउबाट नियमित रुपमा योग अभ्यास सहित मानसिक स्वास्थ्य समस्या समाधानका लागी सकारात्मक सोचका कक्षाहरु संचालन गरेको प्यूठान आयुर्वेद स्वास्थ्य केन्द्रका कविराज निरिक्षक टुक बहादुर रोकाले बताए ।