प्यूठानको माण्डबी गाउँपालिका ५ रम्दीकोट जन्मथलो भएका पुँवार खड्काहरुले नेपाली सेनामा पु¥याएको योगदानको राज्यले मूल्यांकन नगरेको यहाँका स्थानीयले गुनासो गरेका छन् ।

सन १९१४ अक्टोबर २४ देखि ३० नोमेम्बर १९१४ सम्म १ महिना ७ दिन अंग्रेज फौजसंग नालापानी किल्लामा कप्तान बलभद्र कुवारसंगै लडेका कम्पनी कमान्डर प्यूठान रम्दीका दयाराम खड्काको राज्यले मूल्यांकन नगरेको उनीहरुको गुनासो छ । दयाराम नालापानी किल्लामा लड्दा प्रयोग गरीएका हातहतीयार खड्क, छुरी, तरबार, ढाल स्थानीयले अझै संरक्षण गरेर राखेका छन् ।

रम्दीका खड्काहरुले नेपालको ईतिहासमा पु¥याएको बीरता र उनीहरुले समाजमा पु¥याउदै आएको योगदानको बारेमा अध्ययन गर्न स्थानीय बेदबहादुर खड्काले रम्दीकोटे पुँवार खड्काहरुको वंशावली समेत तयार पारेका छन् । उनले प्रकाशन गरेको वंशालीमा खड्काहरुको योगदानको बारे चर्चा गरिएको छ ।

यहाँका खड्काहरुले रम्दीकोटे पुँवार खड्का संरक्षण समिति समेत गठन गरेका छन् । समितिकै अगुवाइमा आईतबार संघिय संसद राष्ट्रिय सभा उपाध्यक्ष बिमला घिमिरेलाइ रम्कोटमा रहेका विभिन्न मठ,मन्दिर, खड्काहरुको पूखौली थलोको स्थलगगत अवलोन समेत गराएका छन् ।