भ्रष्टाचार नियन्त्रण तथा सुशासन प्रवद्र्धन सम्बन्धि अन्तरक्रिया कार्यक्रम माण्डवी गाउँपालिकामा सम्पन्न भएको छ ।

अख्तियार दुरुपयोग अनुसन्धान आयोगको कार्यालय बुटवलको आयोजनामा भएको स्थानीय तह स्तरीय कार्यक्रममा बोल्दै प्रमुख अतिथी एवं माण्डवी गाउँपालिका अध्यक्ष नमराज अधिकारीले अख्तियार दुरुपयोग नियन्त्रणका लागि विशिष्ट पदमा पुगेका व्यक्तिको सम्पत्तिमाथि छानविन हुनुपर्ने बताए ।

कार्यक्रममा बोल्दै उपाध्यक्ष पुर्ण प्रसाद कालाथोकीले कतिपय अवस्थामा ऐन कानुनको समस्याले समेत सुशासन प्रवद्र्धनमा समस्या हुने गरेको बताए । नागरिकका समस्याको सम्बोधन गर्ने सन्दर्भमा विभिन्न तहविच बाँधिएका ऐनहरुले ख्याल गर्नुपर्ने अवस्था रहेको उनले बताए ।

गाउँपालिकाका प्रमुख प्रशासकीय अधिकृत भिमकान्त भण्डारीले अख्तियारमा उजुरी नपरेकोले माण्डवीले सुशासन प्रवद्र्धनमा सकारात्मक नतिजा हासिल गरेको बताए ।

कार्यक्रमको अध्यक्ष एवं आयोगको बुटवल कार्यालयका प्रमुख विनिता भटराईले कानुनको अनविज्ञता क्षम्य नहुने बताईन् । आयोगको तर्फबाट उपसचिव गिता आचार्यले कार्यपत्र प्रस्तुत गरेकी थिईन । कार्यपत्रमा श्रीकुमार शर्मा, टोपाराम आचार्य, प्रकाश ओली लगायतले आफ्ना धारणा राखेका थिए ।