प्यूठान नगरपालिका वडा न. ८ बाग्दुलामा समानता हेल्थ क्लिनिकको उद्घाटन गरिएको छ । बुधबार प्यूठान नगरपालिकाका नगर प्रमुख विष्णु बहादुर योगीले क्लिनिकको उद्घाटन गरेका हुन् । उद्घाटन कार्यक्रममा शुभकामना मन्तव्य राख्दै मेयर योगीले जनताको स्वास्थ्य उपचारमा टेवा पुर्‍याउने भन्दै व्यावसायिक सफलताको शुभकामना दिएका छन् ।

उद्घाटन कार्यक्रममा उद्योग बाणिज्य संघका अध्यक्ष सन्देश आचार्यले आर्थिक मन्दिको अवस्थामा समेत ब्यवसाय सञ्चालन गरेको भन्दै शुभकामना व्यक्त गरेका थिए ।

प्यूठान नगरपालिका ८ का अध्यक्ष पदम बहादुर थापा क्षेत्री, प्रधानमन्त्री कृषि आधुनिकीकरण परियोजना कार्यान्वयन इकाई प्रमुख चुमान सिंह गिरी, पत्रकार महासङ्घका अध्यक्ष श्रीराम भण्डारी लगायतले शुभकामना मन्तव्य राखेका थिए ।

क्लिनिकमा दैनिक एमबिबिएस चिकित्सकबाट बिरामी जाँच, समय–समयमा विशेषज्ञबाट बिरामी चेकजाँच, ओपिडी, इमरजेन्सी, एक्सरे सेवा, प्रयोगशाला, फार्मेसी, भिडियो एक्सरे, ड्रेसिङ सेवा उपलब्ध हुने सञ्चालक असिम मल्ल ठकुरीले बताए ।