समाचार लेखन र न्यु मिडिया सम्बन्धी तालिम स्वर्गद्वारी नगरपालिका ४ भिंग्रीमा सम्पन्न भएको छ ।

नेपाल पत्रकार महासंघ लुम्बिनी प्रदेशको आयोजना तथा लुम्बिनी प्रदेश आन्तरिक मामीला तथा कानुन मन्त्रालयको सहयोगमा तालिम सञ्चालन भएको हो ।

आईतबार र सोमबार सञ्चालन भएको तालिममा रोल्पा र प्यूठानका ३५ जना पत्रकार सहभागी भएका छन् । तालिमको सहजिकरण वरिष्ठ पत्रकार चेतन अधिकारी र माधव अर्यालले गरेका थिए ।

पत्रकारहरुको लेखन सिप विकास तथा डिजिटल पत्रकारीतामा जोड्ने उदेश्यले तालिमको आयोजना गरिएको कार्यक्रमका अध्यक्ष एवं नेपाल पत्रकार महासंघ लुम्बिनी प्रदेशका उपाध्यक्ष रामप्रसाद आचार्यले जानकारी दिए ।