२०८२ वैशाख २३प्यूठान नगरपालिका–४, स्थित थापाडाँडा–कार्कीडाँडा लिप्ट खानेपानी योजनामा नयाँ लाइन तानेर सञ्चालन गरिएको छ ।
नेपाल बिद्युत प्राधिकरणमा धेरै पटक धाएर नयाँ लाइन जडान गरेर खानेपानी योजना सोमबार देखि सञ्चालन गरेको प्यूठान नगरपालिका ४ का वडाध्यक्ष रेशम कार्कीले बताए ।
उनले बिजुवार खेदकुद मैदान नजिकै बाट नयाँ बिद्युत लाइन बिस्तार गरेको बताए ।
दुई वर्ष पहिले प्रदेश समपुरक योजना अन्तर्रगत प्यूठान नगरपालिका मार्फत निर्माण गरिएको योजनाको ट्रासफर्मर १० दिन देखि बिग्रेको थियो । यस क्षेत्रका १ सय ७० उपभोक्ताले पानीको समस्यमा भोेगेका थिए ।
ट्रासफर्मर मर्मत गर्न नगरपालिकामा पहल गरेपनि सुनुवाइ नभएपछि विद्युत प्राधिकरणमा धाएको कार्कीले बताए ।
वडाध्यक्ष मार्फत नगरप्रमुखसंग गुनासो गरेको एक साता हुँदासम्म सुनुवाइ नभएपछि बिद्युत प्राधिकरणमा पुगेको उपभोक्ता समिति अध्यक्ष खड्कबहादुर भण्डारीले बताए ।
प्यूठान नगरपालिकाको प्रमुख प्रशासकीय भवन नजिकैबाट लिप्ट गरेर योजना निर्माण गरिएको छ ।
योजनामा पानी नियमित नहुँदा थापाडाँडा, कार्कीडाँडा र भेदाखर्कका स्थानीय खानेपानीको चरम अभाव झेल्दै आएका थिए ।
योजनामा पानी चलेपछि स्थानीय खुसी छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
