अनेरास्ववियुको ६१ औँ तथा राष्ट्रिय युवा संघको ३६ औँ स्थापना दिवसको अवसरमा प्यूठानमा रक्तदान र फलफूल वितरण गरिएको छ ।

प्यूठान अस्पतालमा आयोजित रक्तदान कार्यक्रममा १३ जनाले रगत दान गरेका छन् । साथै अस्पतालमा उपचाररत विरामीलाई फलफूल वितरण गरिएको युवा संघ प्यूठानका अध्यक्ष महेश पाण्डेले बताए ।

महेश पाण्डेको अध्यक्षतामा भएको कार्यक्रममा नेकपा एमाले प्यूठानका अध्यक्ष विजय विराज विष्ट, प्यूठान अस्पतालका मेडिकल सुपरिटेण्डेन्ट डा.ओम अर्याल लगायतले शुभकामना मन्तव्य राखेका थिए । कार्यक्रमको सञ्चालन अनेरास्ववियु प्यूठानका अध्यक्ष टेकराज के.सी. ले गरेका थिए ।

अनेरास्ववियुको २०२२ र राष्टिय युवा संघको स्थापना २०४७ सालमा भएको थियो । हाल प्यूठानमा अनेरास्ववियुमा केसी र युवा संघमा पाण्डेले नेतृत्व गरिरहेका छन् ।