प्यूठान नगरपालिकाले अपाङ्ग किसानलाई कुखुराको चल्ला वितरण गरेको छ ।

नगरपालिकाको चालु आर्थिक वर्षको सिप विकास तालिम सञ्चालन तथा टेवा कार्यक्रम अन्तरगत ६ सय उन्नत जातको कुखुराको चल्ला वितरण गरिएको पशुपन्छी विकास शाखा प्रमख गिरीराज पौडेलले जानकारी दिए ।

प्रत्येक वडाबाट ३ जनाका दरले ३० जनालाई आउने–जाने भाडासहित न्यू हेम्पसायर रातो र अस्ट्रोलर कालो जातको चल्ला वितरण गरिएको पौडेलले बताए ।

कार्यक्रममा प्यूठान नगरपालिकाका उपमेयर देवेन्द्र वर्माले अपाङ्गता भएका व्यक्तिलाई मायाको पात्र बनाउने उदेश्यले कुखुराको चल्ला वितरण गरिएको बताए । कार्यक्रमले उनिहरुको पोषण सुधार र आर्थिक उपार्जनमा टेवा पुग्ने नगरपालिकाका प्रमुख प्रशासकीय अधिकृत नारायण प्रसाद भण्डारीले बताए ।

नगर स्तरीय अपाङ्गता सञ्जालका अध्यक्ष लोकराज भुसालको अध्यक्षमा भएको कार्यक्रमको संचालन महिला विकास शाखा प्रमुख मन्जु धितालले गरेकी थिईन ।