प्यूठानको माण्डवी गाउँपालिका पूर्ण खोप सुनिश्चितता घोषणा भएको छ ।आवश्यक मापदण्ड र सूचक पुरा भएसँगै मङ्गलवार गाउँपालिकालाई पूर्ण खोप सुनिश्चितता तथा दिगोपना घोषणा गरिएको हो ।

पालिका भित्रका लक्षित उमेर समुहका बालबालिकाले खोप लगाएको सुनिश्चितता गरिएको गाउँपालिकाका स्वास्थ्य शाखा प्रमुख ध्रुवकुमार पोख्रेलले बताए ।

मङ्गलवार सुनिश्चितता घोषणा कार्यक्रममा बोल्दै प्रमुख अतिथि जिल्ला समन्वय प्रमुख धरम बहादुर जि.सी.ले स्वास्थ्य क्षेत्रको सुधारले नागरिकको समग्र विकास हुने बताए ।

गाउँपालिका अध्यक्ष नमराज अधिकारीको अध्यक्षतामा भएको कार्यक्रममा गाउँपालिका उपाध्यक्ष पूर्ण प्रसाद कालाथोकी, प्रमुख प्रशासकीय अधिकृत भिमकान्त भण्डारी, वडा अध्यक्षहरू, शाखा प्रमुख लगायतको उपस्थिति रहेको थियो ।