राष्ट्रिय दलित पत्रकार संघको छैटौं स्थापना दिवसमा रक्तदान गरिएको छ । प्यूठान शाखाको आयोजनामा रक्तदान केन्द्र विजुवारमा भएको कार्यक्रममा ६ जनाले रक्तदान गरेका छन् ।

संघका अध्यक्ष कमल विकको अध्यक्षतामा गरिएको कार्याक्रममा बोल्दै प्रमुख अतिथि प्यूठान अस्पताल विकास समितिका अध्यक्ष कृष्ण प्रसाद वस्यालले रचनात्मक कामद्वारा दिवस मनाएको भन्दै शुभकामना दिए । रगत अभावमा विरामिको जीवन जोखिममा नपरोस भनेर रक्तदान गरी दिवस मनाईएको राष्ट्रिय दलित पत्रकार संघ प्यूठानका उपाध्यक्ष बोम बहादुर परियारले बताए ।

कार्यक्रममा नेपाल पत्रकार महासंघका सचिव वासुदेव गिरी, संघका प्रदेश पदाधिकारी, पेशागत संगठनका प्रतिनिधि लगायतले शुभकामना मन्तब्य राखेका थिए । कार्यक्रमको सञ्चालन संघका सचिव रविन विश्वकमाले गरेको थिए ।