‘गौंमुखी भ्रमण वर्ष २०८२’ सुरु भएको छ । पालिकालले प्रर्यटन प्रवद्र्धन समिति गौंमुखी गाउपालिका निर्माण गरेर भ्रमण वर्ष सफल पार्ने योजना बनाएको छ । ‘पर्यटन र पूर्वाधार समृद्धिको आधार, नया गन्तव्य नया अनुभब घुम्नजाऔ गौमुखी स– गौरव’ नारा बनाइएको छ । भ्रमण अवधिमा एक लाख पर्यटक भित्राउने लक्ष्य राखिएको पालिकाले जनाएको छ । समितिको आयोजनामा शनिबार भ्रमण वर्षको पर्यटन मन्त्री बद्री प्रसाद पाण्डेले शुभारम्भ गरेको छन् ।

भ्रमण वर्ष उद्घाटन गर्दै पाण्डेले गौमुखीको पर्यटकीय पूर्वाधार विकासमा सरकारले सहयोग गर्ने प्रतिबद्धता जनाए । भ्रमण वर्षले गौमुखी क्षेत्रको प्राकृतिक र सांस्कृतिक स्थलहरू प्रवद्र्धन गरी यस क्षेत्रको समग्र विकासमा मद्दत पुग्ने पाण्डेको भनाइ थियो । ‘पर्यटन नेपालको समृद्धिको आधार हो,’  मन्त्री पाण्डेले भने, ‘त्यसैले सरकार प्रर्यटन प्रवद्र्धनमा लागि परको छ ।’ वर्षभर चल्ने भ्रमण अभियानमा गौमुखी गुफा, बाइस मुल झरना, झाक्रीढुङ्गा, रानीताल, ठूलो, सानो नांगीलेक,अर्खा–रजवारा झोलुंगे अग्लो पुल, गोद्रेचौर, टोपरे गुफा लगायत धार्मिक तथा प्राकृतिक स्थलहरूमा पर्यटन पु¥याउने योजना रहेको पालिका अध्यक्ष बिष्णुकुमार गिरीले बताए । यस्तै, यानिमाया भाका, मारुनी, सोरठी, पञ्चेबाजा लगायत स्थानीय सांस्कृतिक कार्यक्रमहरूले पर्यटनलाई मनोरञ्जन गराइने गिरीले बताए ।

यहाँ आउने पर्यटक सुविधाका लागि गौमुखी नजिकैको गौमुखी १ किनाम अर्खामा होमस्टे सेवा सञ्चालनमा रहेको पालिका उपाध्यक्ष महाबिर रानाले बताए ।

यसअघि २०७५ मा नेपाल पत्रकार महासंघ प्यूठानले ‘गौमुखी मिडिया सम्मेलन’ आयोजना गरी यस क्षेत्रको पर्यटन सम्भावनाबारे बहस अघि सारेको थियो । त्यसवेला तत्कालिन सञ्चारमन्त्री गोकुल बास्कोटाले सम्मलेनको उद्धाटन गरेका थिए । मिडिया सम्मेलनमा लुम्बिनी प्रदेशका सबै जिल्लाका सञ्चारकर्मीको सहभागिता थियो । त्यसयता गौमुखी क्षेत्रको पर्यटकीय स्थलहरुको प्रचार प्रचार बढेको स्थानीय बताउछन् ।

गौमुखी गाउपालिका–२ मा अवस्थित झिमरुक नदीको उद्गमस्थल ‘गौमुखी गुफा’ यस क्षेत्रको मुख्य आकर्षण मानिन्छ । गाईको मुखजस्तो आकारको ढुंगाबाट निरन्तर पानी झर्ने भएकाले यसको नाम गौमुखी रहन गएको स्थानीय बताउछन् ।

गौमुखी सदरमुकाम खलंगाबाट झन्डै ४० किलोमिटरको सडक यात्रा र करिब एक घण्टाको पैदलयात्रापछि पुग्न सकिन्छ । विशेषगरी माघे संक्रान्तिमा यहा ठूलो मेला लाग्छ ।