२०८२ जेठ २३सशस्त्र प्रहरी बल, नेपाल आश्रीत गुल्म प्यूठानले १३ औँ स्थापना दिवस मनाएको छ ।
२०६९ जेठ २३ गते स्थापित गुल्मले सशस्त्र प्रहरी नायव महानिरीक्षक दिपेन्द्र कुवरको प्रमुख आथित्यतामा प्यूठान नगरपालिका ३ बतासेडाँडामा विविध कार्यक्रम गरि दिवस मनाएको हो ।
कार्यक्रमलाई सम्बोधन गर्दै प्रमुख अतिथि कुवरले जिल्लामा विपद् लगायतका सवालमा सहकार्य गरेर सुरक्षाको क्षेत्रमा कार्य गरिने बताए ।
कार्यक्रममा भुपु सशस्त्र प्रहरी सम्मान , सामाजिक व्यक्तिहरु सम्मान , प्यूठानको एतिहासीक सराय नाच प्रर्दर्शन, अमर सशस्त्र प्रहरीको तस्वीरमा माला लगाई सम्मान , उत्कृष्ट कार्य गर्ने कर्मचारीलाइ सम्मान तथा पुरस्कृत गरिएको सशस्त्र प्रहरी बल, नेपाल आश्रीत गुल्म प्यूठानका प्रमुख सशस्त्र प्रहरी नायव उपरिक्षक रोहित घिमिरेले बताए ।
गुल्मले जेठ १४ गतेदेखी दिवसका अवसरमा मन्दिर तथा चौतारा सरसफाई , वृक्षारोपण , हाजिरीजवाफ तथा दौड प्रतियोगीता , व्याडमिन्टन , टेवल टेनिस , विद्यालयमा सचेतना तथा शैक्षिक सामाग्री वितरण, रक्तदान , व्यवसायीक प्रतियोगिता ( हतियार खोलजोड ) लगायतका कार्यक्रम सम्पन्न गरेको छ ।
कार्यक्रममा प्रमुख जिल्ला अधिकारी , जिल्ला न्यायाधिस , जिल्ला समन्वय समितीका प्रमुख , नेपाल प्रहरी प्यूठानका प्रमुख, प्यूठान नगरपालिकाका मेयर, विभिन्न कार्यालयका प्रमुख तथा प्रतिनिधी , वडाध्यक्ष ,पत्रकार, भुपु सशस्त्र प्रहरी लगायतको उपस्थिती रहेको थियो ।
कार्यक्रमको सन्चालन सशस्त्र प्रहरी निरिक्षक कृष्ण भट्टराइले गरेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
