राष्ट्रिय युवा संघ नेपालले विद्युत सेवा नियमित गर्न नेपाल विद्युत प्राधिकरणलाई ध्यानाकर्षण गराएको छ ।

पटक पटक विद्युत सेवा अवरुद्ध भईरहेको भन्दै बुधबार प्राधिकरणको वितरण केन्द्र जुम्रीमा पत्र बुझाएर ध्यानाकर्षण गराईएको अध्यक्ष महेश पाण्डेले बताए ।

संघले बुझाएको पत्रमा अनियमित विद्युत सेवालाई सुधार गरी गुणस्तरिय सेवा प्रदान गर्न, विद्युत अबरुद्ध गर्नैपर्ने कारण भए पूर्व सुचना गरेर मात्र बन्द गर्न र पटक पटक सेवा अनियमित हुँदा विद्युतीय सामाग्रीमा भएको क्षेतीको उपभोक्तालाई क्षेतिपूर्ती दिन माग गरिएको छ ।