ऐरावती गाउँपालिकाले निर्माण व्यवसायि बालाजु श्रेष्ठलाई सम्मान गरेको छ ।

निर्माण सम्पन्न गर्नुपर्ने मिति अगावै कार्यसम्पन्न गरेको भन्दै गाउँपालिकाको १८ औँ गाउँसभाको अवसर पारेर श्रेष्ठलाई ५० हजार नगद सहित सम्मान गरिएको गाउँपालिकाले जनाएको छ ।

निर्माण व्यवसायि श्रेष्ठले आँसु हरियाली जे भि मार्फत ऐरावती गाउँपालिका पुग्ने चेरनेटा पुरन्ठाटी जोगिटारी सडकको कैरन पकला खण्ड कालोपत्रे गर्ने कार्य समय अगावै सम्पन्न गरेका छन् । उनको कम्पनिले २०८१ असार ११ गते सडक पूर्वाधार विकास कार्यालयसंग संझौता गरेको थियो ।

२०८२ पुष १० गतेसम्म कार्य सम्पन्न गर्ने म्याद भएपनि उनले निर्माण कार्य सम्पन्न गरिसकेका छन् । यसै बिच गाउँपालिका पहुँच मार्ग निर्माणको काम तिब्र गतीमा अघि बढाएको भन्दै सडक पूर्वाधार कार्यालय प्यूठानलाई पालिकाले सम्मान गरेको छ । सयम अगाबै सडक कालोपत्रे भएपछि यस क्षेत्रका स्थानीय हर्षित छन् ।