२०८२ श्रावण ७न्यायिक समितिमा आउने अधिकांस मुद्धाहरु मेलमिलाम मार्फत टुंगिने प्यूठान नगरपालिकाका उपमेयर एवं न्यायिक समितिका संयोजक देवेन्द्र वर्माले वताएका छन् । नगरपालिकामा न्यायिक समितिमार्फत भएका प्रगतिको बारेमा जानकारी दिदै संयोजक वर्माले मेलमिलाप नै प्राथमिकतामा रहेको बताए ।
वर्माले कतिपय मुद्धाहरुमा नगरपालिकाले देशभरकै नमुना रुपमा मेलमिलाप गराएको बताए । उनले सार्वजनिक गरेको प्रगति विवरणमा नगरपालिकामा हालसम्म १ सय ९६ विवद आएको जसमध्य १ सय ७० मेलमिलापमार्फत टुंगिएको, २ वटा फैसला गरिएको र २४ वटा प्रक्रियामा रहेको उल्लेख छ ।
गत आर्थिक वर्षको तथ्यांक अनुसार प्यूठान नगरपालिकामा लैंगिक हिंसा र घरेलु हिंसाका विवाद ४० प्रतिशत रहेका छन् । सोहि आर्थिक वर्षमा नगरपालिकाले समुदाय र विद्यालय तहमा न्यायिक सचेतना कार्यक्रममा ९ सय १० जना सहभागि भएको वर्माले बताए ।
बुधबार नगरपालिकाले पत्रकार भेटघाट गरि प्रगति विवरण सार्वजनिक गरेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
