जेन–जी आन्दोलनका कारणअस्तव्यस्त बनेको प्यूठानको जनजीवन सामान्य बन्दै गएको छ ।
जिल्लाका मुख्य – मुख्य बजारहरुमा चहलपहल बढेको छ भने विद्यालयहरु पनि खुलेका छन् । जिल्लाबाट सञ्चालन हुने लामो तथा छोटो दुरीका सवारी साधनहरु सञ्चालनमा आएको नमस्ते यातायात प्रा.लि.का कार्यकारी निर्देशक दिल बहादुर दसौदीले जानकारी दिए । दशैं नजिकिदै गर्दा गाउँबाट किनमेल गर्न स्थानीय बजार झरेका छन् ।
जिल्लामा निषेधाज्ञा र कर्फ्यू हटाएर जिल्ला कारागार खलंगा वरिपरि आईतबार दिउसो ३ बजेदेखि अर्काे सूचना नआएसम्म निषेधाज्ञा जारी गरिएको छ । कारागारको २५ मिटर वरिपरिको क्षेत्रभित्र ५ जनाभन्दा बढि व्यक्ति जम्मा भई कुनै भेला,जुलुस,प्रर्दशन,बैठक,सभा,घेराउजस्ता विरोधका कार्यक्रम गर्न निषेध गरिएको प्रमुख जिल्ला अधिकारी दिपकराज नेपालले जानकारी दिए ।

जेन – जी आन्दोलनका क्रममा जिल्लामा नेकपा (एमाले),नेपाली कांग्रेस, नेकपा माओवादी केन्द्र र राष्ट्रिय जनमोर्चाको पार्टी कार्यालयमा आगजनी र तोडफोड भएको छ । विभिन्न माग राखेर जेन–जी समुह भदौ २३ गतेदेखि आन्दोलनमा उत्रिएको थियो ।