आफन्तको अपहेलना सहन नसकेपछि प्यूठानको स्वर्गद्धारी नगरपालिका ५ सारी गाउँकी बिमला बिक ओढारमा रात काटर्दै आएकी छिन । प्यूठान र रोल्पाको सिमास्थल लुग्री नदि किनार नजिकको बगुवा ओढारमा उनले बिगत तिन बर्ष देखि आश्रय लिदै आएकी हुन ।
घरमा बस्दा आफ्न्तैले दिनहुँ शारिरिक तथा मानसिक यातना दिने र आफु बसेको घरमा समेत आगो लगाइदिने सम्मका दुर्वयव्हार गर्न थालेपछि आफुले घर छोडन बाध्य भएको ४९ बर्षिया बिकले बताइन। बिगत तिन बर्ष देखि यसरी नै ओढारमा बस्दै आएको उनको भनाइ छ ।
गाउँलेले समेत मानसिक सन्तुलन गुमाएको भनेर आरोप लगाउन थालेपछि घरबाट निस्केको हुँ उनले भनिन आफन्तको यातना र गाउँलेको अपमान मैले सहन सकिन। ओढारबाट उद्धार गरि घर लगेपनि माइतीले समेत राम्रो ब्यबहार नदेखाएपछि फेरी यही ओढारमा आएर आश्रय लिन थालेको उनले सुनाइन।
रोल्पा जिल्लाको सेरागँ गाबिस घुसवागँ माइत रहेकी उनको प्यूठान सारीका स्थानीयसँग बिबाह भएको स्थानीय बताउँछन । बिकले आफुलाइ घरमा बस्ने बाताबरण नभएको बताइरहदा उनका आफन्तले पटक पटक ओढारबाट घर लगेपनि उनि घरमा बस्न नमान्ने भएकाले समस्या भएको बताउँछन।
उनि रातको समयमा ओढारमा बसेपनि दिनभर जसो नै छिमेकीको काममा व्यस्त हुन्छिन । नजिकैको गाउँमा ज्याला मजदुरी गरेर उनको दिनचर्या बित्छ । मजदुरी गरेर प्राप्त पैसाले उनि आफनो साझ बिहानको गर्जो टार्छिन।
कहिलेकाही काम गर्न नपाउँदा भोकै बस्नुपरेको उनले बताएकी छिन ।
हेर्नुहोस भिडीयो
