प्रेस संगठन नेपालको केन्द्रमा एकता प्रक्रिया टुंगिएको छ। २४९ जना केन्द्रिय सदस्य रहनेगरी केन्द्रिय संयोजकमा तत्कालिन प्रेस सेन्टरवाट महेश्वर दाहाल र सहसंयोजकमा प्रेस चौतारीवाट गणेश वस्नेत चयन भएका छन्।

तत्कालिन प्रेस चौतारीलाई ४४ र प्रेस सेन्टरलाई ३३ जिल्लामा नेतृत्व परेको छ। आगामि मंसिर २० सम्म प्रदेश र जिल्लाको एकता टुंग्याउने निर्णय भएको छ। प्रदेश कमिटी वढिमा ९९ सदस्यिय हुनेछ भने जिल्ला कमिटी वढिमा ४१ सदस्यिय हुनेछ।

एकताको क्रममा संघठनमा एक व्यक्ति एक पदको निति लागु गरिएको छ। भने एकता गर्दा संयोजक/सहसंयोजकमा पुर्व कमिटीका अध्यक्ष/संयोजक नै रहने निर्णय भएको छ। यदि पुर्वअध्यक्ष/पुर्व संयोजक वस्न नमिलेको वा नचाहेको खण्डमा सहमतिका आधारमा वरिष्ठता र क्रियासिलता हेरी अरुलाई जिम्मा दिन सकिने छ।

निणर्यअनुसार प्यूठान जिल्लामा पुर्व प्रेस सेन्टरवाट संयोजक र पुर्व प्रेस चौतारीवाट सह संयोजक हुने भएका छन्। प्यूठान जिल्लावाट कान्तिपुरकर्मी गिरुप्रसाद भण्डारी केन्द्रिय सदस्य चयन भएका छन्।