विपदको समयमा प्रभावितहरुलाई सामाग्रीको तुलनामा नगद वितरण प्रभावकारी हुने जिल्लास्थित सरोकारवालाहरुले वताएका छन्। नेपाल रेडक्रस सोसाईटीको आयोजनामा नगद हस्तान्तरण पुर्वतयारी कार्यक्रम, नगद हस्तान्तरण तथा कार्यसञ्चालन निर्देशिका-सचेतना सेसनका सहभागीहरुले यस्तो वताएका हुन।

शुसासन, पारदर्शिता, वस्तुको गुणस्तरहिनताको जोखिम न्युनिकरण, प्रभावितको आत्मसम्मान, उनिहरुको छनोटको अधिकार र व्यवस्थापकिय सवालमा नगद हस्तान्तरण प्रभावकारी हुने सरोकारवालाहरुको वुझाई छ। “नगद हस्तान्तरण समयसापेक्षित र वैज्ञानिक कार्यक्रम हो।” प्यूठान नगरपालीकाका उपमेयर शान्ता आचार्यले भन्नुभयो- “यस्ले पिडितले आफ्नो आवश्यकता अनुसार खर्च गर्नसक्ने वातावरण श्रृजना गर्छ।”

विपदको समयमा सामाग्रि वितरणले प्रभावितको आत्मसम्मान, आवश्यकता छनौट र गुणस्तरिय वस्तु उपभोगको सुनिस्चितता कम गर्नुका साथै शुसासन र पारदर्सिता नहुने जोखिम तुलनात्मक रुपमा वढी हुने गर्दछ।

व्रिटिस रेडक्रसको सहयोगमा नेपाल रेडक्रस सोसाईटिले कार्यक्रम आयोजना गरेको हो। रेडक्रसका जिल्ला सभापती गुमानराज पुलामिको अध्यक्षता र प्यूठान नगरपालीका उपप्रमुख शान्ता आचार्यको आथित्यतामा भएको कार्यक्रममा जिल्लास्थित प्रकोप उद्घार, राहत तथा पुनर्स्थापनासंग सम्वन्धित सरोकारवालाको सहभागीता रहेको थियो।