विप्लव नेतृत्वको नेपाल कम्यूनिष्ट पार्टी सहित ४ पार्टीहरुले राष्टियता, जनतन्त्र र जनजिविकाको विषयमा संयुक्त संघर्ष गर्ने भएका छन्।
नेपाल कम्युनिस्ट पार्टीका प्रवक्ता प्रकाण्ड , नेकपाका अध्यक्ष ऋषि कट्टेल , नेकपा क्रान्तिकारी माओवादीका महासचिब किरण र नेकपा (मसाल)का महामन्त्री मोहनबिक्रम सिंहले संयुक्त विज्ञप्ती जारी गर्दै साझा मुद्धाहरुमा कार्यगत एकता गरि संयुक्त संघर्ष गर्ने र नेपालको क्रान्तिकारी आन्दोलनलाई एकतावद्ध गर्न वहसको थालनि गर्ने घोषणा गरेका हुन।
तत्कालका लागि प्रधानमन्त्रि के.पी. शर्मा ओलिले विगतमा नेपाल–भारतको विचमा भएका असमान सन्धिहरुको कार्यन्वयन गर्ने कुराको विरोध गर्ने, दिल्लिवाट नरेन्द्र मोदि र केपि शर्मा ओलिले संयूक्त रुपमा नेपालको अरुण तेश्रो जलविद्युत आयोजनाको सिलान्यास गर्न थालेकोले त्यसको विरुद्धमा कार्यक्रम सञ्चालन गर्ने सहमति गरेका छन्।
यस्तो छ विज्ञप्तीको पुर्ण पाठ–
संयुक्त प्रेस वक्तव्य
मिति २०७४ चैत्र २१ गते चार कम्युनिस्ट पार्टीहरूको संयुक्त बैठक बस्यो । बैठकले लिएका निर्णयहरू सार्वजनिक गर्न यो संयुक्त प्रेस वक्तव्य जारी गरिएको छ ।
१. नेपालको क्रान्तिकारी कम्युनिस्ट आन्दोलनलाई एकताबद्ध गर्ने आधार तयार पार्न छलफल र बहसलाई अगाडि बढाउने ।
२. राष्ट्रियता, जनतन्त्र र जनजीविकासम्बन्धी परस्पर सहमति भएका विषयहरूमा कार्यगत एकता गरी संयुक्त सङ्घर्ष गर्न सहमत भएका छौँ । तत्कालका लागि निम्न सङ्घर्षका कार्यक्रमहरू घोषणा गरिएको छ ः
(क) नेपालका प्रधानमन्त्रीको आसन्न भारत भ्रमणका क्रममा यसभन्दा अगाडि नेपाल–भारत बीचमा भएका राष्ट्रहित विपरितका सबै असमान सन्धि सम्झौताहरूलाई कार्यान्वयन गर्ने कुराको घोर विरोध र भत्र्सना गर्ने ।
(ख) चैत्र २४ गते नेपालका प्रधानमन्त्री केपी ओली र भारतका प्रधानमन्त्री नरेन्द्र मोदीले नेपालको अरूण तेस्रो जलविद्युत परियोजनाको भारतको दिल्लीबाट संयुक्त रूपमा शिलान्यास गर्ने कुराको विरोध गर्दै काठमाडौँमा संयुक्त विरोध सभा गर्ने ।
(ग) चार पार्टीको आयोजनामा आगामी वैशाख ३ गते राष्ट्रियतासम्बन्धी अन्तरक्रियात्मक गोष्ठी गर्ने ।
३) सरकारले शान्तिपूर्ण सङ्गठन, भेला र सङ्घर्षमा दमन गरेकोमा त्यसको विरोध र भत्र्सना गर्ने ।
क. मोहनबिक्रम सिंह, महामन्त्री, नेपाल कम्युनिस्ट पार्टी (मसाल)
का. मोहन बैद्य (किरण), महासचिव, नेपाल कम्युनिस्ट पार्टी(क्रान्तिकारी माओवादी)
क. प्रकाण्ड, प्रवक्ता, नेपाल कम्युनिष्ट पार्टी
क. ऋषि कट्टेल, अध्यक्ष, नेपाल कम्युनिस्ट पार्टी
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
