दादुरा-रुवेला रोग विरुद्धको खोप लगाउने राष्टिय अभियान अन्तरगत प्यूठान जिल्लामा २४ हजार ८ सय २४ जना वालवालिकालाई उक्त रोगविरुद्धको खोप लगाउने गरि अभियान अगाडि वढाईएको छ। जिल्लाभरमा दुई चरणमा अभियान सञ्चालन हुने स्वास्थ्य कार्यालय प्यूठानका प्रमुख विशाल सुवेदीले वताए।

पहिलो चरणमा फागुन ७ गतेदेखि १५ गतेसम्म मल्लारानी गाउँपालीका, नौवहिनी गाँउपालीका, झिमरुक गाँउपालीका र गौमुखि गाँउपालीकाका सवै वडाहरुमा रहेका खोप केन्द्रवाट वालवालिकालाई खोप लगाईनेछ। फागुन १८ गतेदेखी २६ गतेसम्म प्यूठान नगरपालीका, स्वर्गद्धारी नगरपालीका, माण्डवि गाँउपालीका, सरुमारानी गाँउपालीका र ऐरावती गाँउपालीकामा उक्त अभियान सञ्चालन हुनेछ। जिल्लामा उपलव्ध जनशक्ति, नियमित खोप अभियान र अन्य प्राविधिक अवस्थाका आधारमा जिल्लामा दुई चरणमा ४ सय ५५ कर्मचारी र ९ सय १० जना स्वयंसेवक परिचालन गरी अभियान सम्पन्न गरिने सुवेदीले वताए।
दादुरा रुवेला रोग निवारणको सन् २०१६ देखी २०१९ सम्मको लक्ष्य पुरा हुन नसकेपछी नेपालमा सन् २०२३ सम्म निवारण गर्ने लक्ष्य अगाडि वढाईएको छ। १ जना संक्रमितवाट १८ जना सम्मलाई सर्नसक्ने दादुरा रुवेला भाईरल संक्रमणवाट सर्ने रोग हो यसको कुनैपनी उपचार हुदैन। जुनसुकै उमेर समुहकालाई लाग्नसक्ने यो रोगको मुख्य जोखिममा ५ वर्ष मुनीका वालवालीका रहेका छन्।

सरोकारवालालाई अभिमुखिकरण गरियो।
दादुरा रुवेला रोग विरुद्धको खोप अभियानको वारेमा आज जिल्ला खोप समन्वय समितीका पदाधिकारी र सञ्चारकर्मिहरुका लागि अभिमुखिकरण कार्यक्रम सम्पन्न भएको छ। जिल्ला स्वास्थ्य कार्यालय प्यूठानको आयोजनामा सम्पन्न अभिम्खिकरणमा जिल्ला समन्वय समित, विभिन्न स्थानिय तहका प्रमुख, प्रमुख जिल्ला अधिकारी, पत्रकार र सरोकारवालाको उपस्थिती रहेको थियो।
कार्यक्रममा वोल्दै जिल्ला समन्वय समिती प्यूठानका प्रमुख केशवराज आचार्यले यो अभियान वालवालिकाको जिवन रक्षासंग जोडिएको महत्वपुर्ण अभियान भएकाले सवै सरोकारवालाहरुको पहलमा अभियान सम्पन्न गर्न जरुरी रहेको वताउनु भयो।
नेपाल पत्रकार महासंघ प्यूठानका निवर्तमान अध्यक्ष गिरुप्रसाद भण्डारीले यो अभियानको क्रममा सञ्चारकर्मिले वालवालिकाका अभिभावकमाझ सन्देश पुर्याउन सक्रिय भुमिका निर्वाह गर्ने वताउनु भयो।