६ चैत्र, प्यूठानअफवाहको पछि लागेर त्रसित वन्नुभन्दा सजग र सतर्क हुनुपर्ने स्वास्थ्यकर्मिले वताएका छन। स्वास्थ्य कार्यालय प्यूठानमा कोरोना संक्रमणवाट वच्न र अनावश्यक अफवाहलाई रोक्न सरोकारवालाविचको छलफलमा स्वास्थ्यकर्मिले यस्तो वताएका हुन्।
नोबेल कोरोना भाईरसका बिषयमा स्वास्थ्य कार्यालय प्युठान ले जिल्लाका पत्रकार , सन्चारकर्मीहरुसङ्ग गरेको अभिमुखिकरण अन्तरक्रियामा स्वास्थ्यकर्मिले सचेतनाले संक्रमणवाट वचाउने भएपनी अफवाहले नकारात्मक नतिजा दिने वताए। स्वास्थ्य कार्यालय प्युठानका प्रमुख विशाल सुबेदिले सूचना प्रणाली लाई एकद्वार बनाउनुका साथै पत्रकारहरुले सत्य तथ्य सुचना प्रवाह गरे आम जनमानसमा एकै किसिमको संदेश जाने र सम्पुर्ण निकायको सहकार्यले मात्र बिश्वब्यापी रुपमा फैलिएको कोरोना रोगको संक्रमण रोकथाम गर्न सकिने बताउनु भयो ।
त्यस्तै उहाले भन्नुभयो सर्बसाधारणहरुले बाहिरि हल्लाको पछाडी नलागेर आधिकारिक मिडियामा आएका सहि सत्य कुरालाई मात्र बिस्वास गर्न आग्रह गर्नु भयो । प्रदेस नम्बर ५ मा कोरोना संक्रमितहरुको लागि लक्षित गरि २१ वटा अस्पतालमा आईसुलेसन वार्ड को ब्याबस्था गरिएको छ । जस मध्य १०९ वटा बेड रहेका छन २२ वटा हेल्थ डेक्स निर्माण गरिएका छन । जिल्लाका सबै स्थानिय तहहरुसंग पनि कोरोनाका बिसयमा छलफल भैरहेको र स्वास्थ कार्यालय प्युठानले कोरोनाका बिसयमा विभिन्न ब्रोसर र सन्चार माध्यमबाट पत्रपत्रीकाबाट सुचना प्रभाह गर्दै आएको प्रमुख सुबेदीले बताउनु भयो ।
त्यस्तै प्युठान अस्पतालका निमित्त मेडिकल सुपरिटेन्डेन्ट डाक्टर अमृत पन्थिले अस्पतालमा दुर्त प्रतिकार्य टोली स्थापना गरिएको र छुट्टै आईसुलेसन वार्ड को समेत स्थापना गरिएको बताउनु भयो । स्वास्थ कार्यालय प्युठानका प्रमुख विशाल सुबेदिको अध्यक्षतामा सुरु गरिएको कार्यक्रममा एम्बुलेन्स चालक, पत्रकार, जिल्ला अस्पतालका डाक्टर , स्वास्थ कर्मचारी लगाएको उपस्थितिमा स्वास्थ कार्यालयका कोसलराज बैद्द्यले कार्यक्रम सन्चालन गर्नु भएको थियो ।
