News Portal

रेडियो सुन्नुहोस्

प्यूठानको दरवानमा प्रहरी नियन्त्रणमा रहेका ५७ जनालाई ५ घण्टापछि घर पठाइयो

नोमराज पौडेलचैत्र ११, २०७६
७५१ पटक
चैत्र ११, २०७६

कोरोना भाइरसको संक्रमण जिल्लामा फैलिन नदिनका लागि देशभरि नै लकडाउन गर्ने भनिए पनि प्यूठानमा अवज्ञा गरेको भन्दै प्रहरीले दरवानमा रोकेर राखेका यात्रुलाई गन्तव्यमा पठाएको छ।
३५ वटा मोटरसाईकलमा सवार ५७ जनालाई सम्झाईबुझाई गरेर गन्तव्यतर्फ पठाएको प्यूठान जिल्लाका निमित्त प्रहरी प्रमुख पोषणराज ढकालले बताउनुभयो। उहाँका अनुसार दांगको भालुवांगबाट प्यूठानतर्फ आउँदै गरेका ३५ वटा मोटरसाईकलमा सवार ५७ जनालाई प्रहरीले नियन्त्रणमा लिएको थियो।
सरकारले विहान ६ बजे देखि आवतजावतमा रोक लगाए पनि मोटरसाइकलमा सवारलाई दरवानमा हेल्थ डेक्समा चेकजाँच पछि प्रहरीले नियन्त्रणमा राखेको थियो ।सरकारले नेपाल लग डाउन गर्ने निर्णय गरेसंगै अत्यावश्यक काम बाहेक घरबाहिर ननिस्कन प्रहरीले आग्रह गरेको छ। बिहान केहि छिटपुट रुपमा हिडेका ब्यक्तिहरुलाई प्रहरीले सम्झाएर पठाएको निमित्त प्रहरी प्रमुख ढकालले बताउनुभयो। उहाँले भन्नु भयो –“बिहान बजारमा केहि मानिसहरु देखिएका थिए , स्वास्थ्य संवेदनशिलतालाई ख्याल गर्न भन्दै उनीहरुलाई सम्झाएर घर घरमा पठाएका छौं । ” उहाँले हेलचक्राई नगरि सुरक्षित भएर घरभित्र बस्न आग्रह समेत गर्नुभएको छ। जिल्ला प्रहरी कार्यालय प्यूठानले जिल्लाभर भिडभाड र समुहमा हिड्न नदिनका लागि २३ गस्ती , गाउँगाउँमा १० वटा मोटरसाइकल मोवाइल, बजार क्षेत्रमा ४ वटा गाडी मोबाईल परिचालन गरिएको निमित्त प्रमुख ढकालले जानकारी दिनुभयो। सरकारी निर्णयको उल्लंघन नहोस भन्नका लागि नेपाल प्रहरी प्यूठानले उच्च सतर्कता अपनाएको छ।

प्रतिकृया दिनुहोस्

गौमुखीमा भएको मानसिक स्वास्थ्य शिविरबाट ९५ जनाले सेवा लिए

निःशुल्क विशेषज्ञ मानसिक रोग सम्बन्धि स्वास्थ्य शिविर गौमुखी गाउँपालिकामा सम्पन्न भएको छ । गौमुखी गाउँपालिकाको...

गणतन्त्र आएपनि जनताको समस्या जस्ताको त्यस्तै

१७ औं गणतन्त्र दिवस प्यूठानमा विभिन्न कार्यक्रम गरी मनाईएको छ । दिवसको अवसरमा प्यूठानको खलंगामा...

पौडेल बंश महासंघ लुम्बिनी प्रदेशको पहिलो बैठक स्वर्गद्धारीमा सम्पन्न

प्यूठान, पौडेल बंश महासंघ लुम्विनी प्रदेश कमिटीको पहिलो बैठक प्यूठानको प्रमुख धार्मिक तथा पर्यटकिय स्थल...

कालिबहादुर के.सि. को स्मृतिमा श्रद्धाञ्जली कार्यक्रम सम्पन्न

सामाजिक अगुवा तथा बौद्धिक ब्यक्तित्व काली बहादुर के.सी.को स्मृतिमा श्रद्धाञ्जली कार्यक्रम सम्पन्न भएको छ ।...

माण्डवी ३ मा निशुल्क कम्प्यूटर तालिम सञ्चालन

माण्डवी गाउँपालिका ३ मा ३ महिने निशुल्क कम्प्यूटर तालिम सञ्चालन भएको छ । वडामा गठन...