आइतवार बसेको मन्त्रिपरिषद बैठकमा भारतमा रहेका नेपालीको बिषयमा छलफल भएको छ।
मन्त्रीहरुले भारतमा अलपत्र परेका नेपाली दाजुभाई दिदीबहिनीहरुलाई कसरी ल्याउने वा के गर्ने भन्ने बिषयमा प्रश्न उठाएका थिए। चण्डीगढमा मात्रै ११ सय नेपाली अलपत्र परेका छन् र उनीहरु नेपाल आउने चाहन्छन्। अन्यत्र पनि अलपत्र परेका नेपालीहरुको संख्या बढ्दो छ भन्ने बिषयमा पनि बैठकमा मन्त्रीहरुले प्रधानमन्त्रीको ध्यानाकर्षण गराएका थिए।

मन्त्रीहरुको प्रश्नको जवाफमा प्रधानमन्त्री केपी शर्मा ओलीले अहिले त्यहाँको अवस्था गम्भीर नभएको भन्दै लोकप्रिय कुरा गरेर नहुने बताउनुभएको छ। १२ सय मान्छे ल्याउने निर्णय गर्दा २ हजार आउने भन्दै उनले भारतमा रहेका नेपालीहरुलाई ल्याउनु स्वास्थ्यको हिसाबले जोखिमपूर्ण हुने उहाँले बताउनुभयो ।

सिमानामा रहेका मानिसलाई ल्याउन खोज्दा दिल्लीमा रहेका मानिसहरु पनि हिँड्न थाल्ने भएकाले अहिले नै भारतमा रहेका नेपालीको उद्धार सम्भव नभएको क्याबिनेटमा प्रधानमन्त्रीको विश्लेषण थियो ।

भारतबाट कोरोना भित्रिन नदिन सीमानामा अझै कडाइ गर्न प्रधानमन्त्रीले निर्देशन समेत दिनुभएको छ। ।

अब भारतमा समस्यामा परेका नेपालीहरुलाई त्यहीँ रहेको नेपाली दूताबासले हेर्ने गरी परराष्ट्र मार्फत निर्देशन दिइने आज बसेको मन्त्रीपरिषद बैठकको निश्कर्ष रहेको स्रोतले जनाएको छ।