जेष्ठ ३१ प्युठान ,नेपालमा मनसुन भित्रीएको छ। शुक्रवार साँझ नेपालीको पुर्वी भागमा दुई दिन ढिलाइ गरि मनसुन भित्रीएको हो। मौसम पुर्वानुमान महाशाखाअनुसार सामान्यतया: १० जुनमा मनसुन भित्रीने गर्ने गरेको भएपनि यसपटक १२ जुनमा मनसुन भित्रीएको छ।
यससंगै मौसमी क्रियाकलाप बढ्ने सम्भावना भएको कारण सतर्कता अपनाउन र पुर्व तयारीमा लाग्न आग्रह गरिएको छ। बंगालको खाडी हुँदै नेपालमा मनसुन पुर्वी भागबाट प्रवेश गरेको छ। यसैगरी, मौसम पुर्वानुमान महाशाखा दिउँसो देशभर आंशिक देखि सामान्य बद्ली रहने जनाएको छ। प्रदेश नं १, प्रदेश नं २ , वाग्मती प्रदेश, गण्डकी प्रदेश , प्रदेश नं ५का केही स्थानमा र बाँकी प्रदेशका एक दुइ स्थानमा मेघगर्जन र चट्याङ सहित वर्षाको सम्भावना रहेको बताएको छ।
आजराती देशभर आंशिक देखि सामान्य बद्ली रहने छ। प्रदेश नं १, प्रदेश नं २ , वाग्मती प्रदेश, गण्डकी प्रदेश , प्रदेश नं ५का केही स्थानमा र बाँकी प्रदेशका थोरै स्थानहरुमा मेघगर्जन र चट्याङ सहित वर्षाको सम्भावना रहेकोे महाशाखाले जनाएको छ।
