सुजाता थापा क्षेत्री२१ साउन, प्युठान
२१ साउन, प्युठानप्यूठान , जिल्लामा समुदाय स्तरमा पहिलो पटक कोरोना संक्रमण पुष्टि भएको छ।
प्यूठान नगरपालिका वडा नं.८ का २३ बर्षिय युवातीमा कोरोना पुष्टि भएको स्वास्थ्य कार्यालय प्यूठानका प्रमुख बिशाल सुवेदीले जानकारी दिनुभयो।
समुदाय स्तरमा कोरोना संक्रमण भए नभएको जानकारीका लागि नमुना परिक्षण गर्दा आज जिल्लामा पहिलो पटक एक जनामा कोरोना संक्रमण पुष्टि भएको हो। उनी संगै बुधबार अन्य ४ जनामा पनि कोरोना संक्रमण पुष्टि भएको छ।
प्यूठान नगरपालिका भित्र क्वारेन्टीनमा बस्दै आएका थप ४ जनामा संक्रमण पुष्टि भएको हो। संक्रमित मध्ये ३ जना पुरुष र २ जना महिला गरि एकै दिन ५जनामा कोरोना संक्रमण देखिएको हो। यो संगै जिल्लामा कोरोना संक्रमितको संख्या ३ सय ४२ जना पुगेको छ भने ३सय ३४ जना कोरोना मुक्त भएर घर फर्किएका छन्।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
