प्यूठान नगरपालीकाको शीतभण्डारको सिलान्यास गरिएको छ। १ सय मेट्रिक टन क्षेमताको शीतभण्डारको सुक्रवार लुम्विनी प्रदेशका प्रदेशसभा सदस्य कृष्णध्वज खड्काले सिलान्यास गर्नुभएको छ।

प्यूठान नगरपालीकाका कार्यवाहक मेयर शान्ता आचार्यको अध्यक्षतामा भएको कार्यक्रममा सिलान्यास गर्दै प्रदेश सांसद खड्काले शीतभण्डार निर्माण भएपछी जिल्लाको उत्पादनलाई जिल्लामै खपत गराउन सहज हुने भन्दै यस्ले प्यूठानी कृषकलाई अत्यन्तै फाईदा पुग्ने वताउनु भयो। १ करोड १४ लाख ९४ हजार ९ सय ५० रुपैयाको लागतमा वन्ने ४ च्याम्वरको शीतभण्डार प्रदेश सरकार भुमी व्यवस्था, कृषि तथा सहकारी मन्त्रालय र स्थानिय तहको लगानीमा वन्न लागेको हो। लुम्विनी प्रदेश सरकारको १ करोड, २ लाख १२ हजार ८ सय ८६ र वाँकी प्यूठान नगरपालीकाको लागतमा शीतभण्डार निर्माण हुन लागेको प्यूठान नगरपालिका योजना शाखा प्रमुख चन्द्रवहादुर जि सी ले वताउनु भयो। उक्त शीतभण्डार जिल्लाको कृषि उत्पादन संकलन र भण्डारण गर्न महत्वपुर्ण हुने अपेक्षा गरिएको छ।

कार्यवाहक मेयर आचार्यले शीतभण्डारले प्यूठान लगायत छिमेकी जिल्लाका सिमावर्ती क्षेत्रका कृषकलाई थप उत्साहित वनाउने वताउनु भयो। शीलान्यास कार्यक्रममा जनप्रतिनिधी, कर्मचारी, पत्रकार, लगायतको उपस्थिती थियो।