लुम्विनी प्रदेशका ग्रामिण तथा सहरी विकास मन्त्री हरिप्रसाद रिजालको सचिवालयले जिल्ला अस्पत्ताललाई अत्यावस्यक स्वास्थ्यसामाग्री हस्तान्तरण गरेको छ। “माननिय मन्त्रीज्यूको पहलमा आएको स्वास्थ्यसामाग्री आज जिल्ला अस्पत्ताललाई हस्तान्तरण गरेका छौँ।” सचिवालयमा कार्यरत विनोद भण्डारीले भन्नुभयो– “अक्सिजन सिलेन्डर, पिपिई लगायत संक्रमितको उपचारका लागी आवश्यक स्वास्थ्य सामाग्री हस्तान्तरण गरेका हौँ।”

जिल्ला अस्पत्ताल प्यूठानमा २० सिलेन्डर ठुलो (अक्सिजनसहित), पिपिई सेट २०० थान, केएन ९५ मास्क २०० थान, ग्लव्स २०० सेट, फेससिल्ड २०० थान, सुजकवर २०० सेट, गम्वुड २४ सेट र अक्सिजन कन्सन्टेटर १ थान र ८०० वटा एन्टिजेन परिक्षण किट हस्तान्तरण गरिएको हो। सामाग्री वुझदै जिल्ला अस्पत्ताल प्यूठानका मेडिकल सुपरिटेण्डेन्ट नविन दर्नालले प्राप्त सामाग्रीले उपचारको क्रमका सहज वनाउने वताउनु भयो। उहाँका अनुसार हाल पिपिई लगायतका सामाग्रीहरु सकिनै लागेको अवस्था थियो।