प्यूठान, ११ साउन । जिल्लामा प्रदेश स्तरीय हाप्किडो प्रतियोगता सञ्चालन हुने भएको छ । नेपाल मार्शल आर्ट्स हाप्किडो संघ, प्यूठानको आयोजनामा आउँदो असोज १६, १७ र १८ गते माण्डवी गाउँपालिकामा लुम्बिनी प्रदेश स्तरीय अध्यक्ष कप  हुने भएको हो ।

प्रतियोगिता सञ्चालन गर्नको लागि माण्डवी गाउँपालिकाले आर्थिक सहयोग उपलब्ध गराएको छ । संघको आयोजनामा सोमवार जुम्रि प्यूठानमा पत्रकार सम्मेलनको आयोजना गरी कार्यक्रमबारे जानकारी गराइएको छ । आयोजकका अनुसार प्रतियोगितामा २०, २५, ३०, ३५, ४०, ४५, ५०, ५५, ६०, ६५ र ७० किलो तौल समुहमा प्रतिष्पर्धा हुनेछ ।

प्रतियोगितामा लुम्बिनी प्रदेश भरका १२ जिल्लाका खेलाडीहरु प्रष्पिर्धामा सहभागी हुने आयोजक समितिका अध्यक्ष मुक्ति पोख्रेलले बताउनुभयो । पछिल्लो समय युवा पुस्ताहरु काम नपाएर बरालीरहेको अवस्थामा खेलमा लगानी गर्दा उनीहरुलाई सकरात्मक उर्जा मिल्ने उहाँको भनाई छ । पोख्रेलले  आत्म विश्वास, आत्म अनुसाशन, आत्मरक्षा र स्वस्थ रहनको लागि यो प्रतियोगिताले मद्धत पुग्ने बताउनुभयो ।

कार्यक्रममा प्रमुख अतिथिका रुपमा सहभागी संघका केन्द्रिय महासविच शुवर्ण बि.सी.ले प्रत्येक स्थानीय तहले खेलकुदसँगै हाप्किडोका कार्यक्रमहरुलाई प्राथमिकतामा राख्न अनुरोध गर्नुभयो ।