२०७८ भाद्र १५लुम्बिनी प्रदेशका नवनियुक्त मुख्यमन्त्री कुलप्रसाद केसीले पद तथा गोपनीयताको सपथ लिनुभएको छ।
विहीबार प्रदेश प्रमुख कार्यालयमा आयोजना गरिएको सपथ ग्रहण कार्यक्रममा संविधानको धारा १७२ अनुरुप प्रदेश प्रमुख अमिक शेरचनबाट मुख्यमन्त्री केसीले सपथ ग्रहण गर्नुभएको हो। केसीले आजैदेखि कार्यभार पनि सम्हाल्नुभएको छ।
दिउँसो तीन बजे प्रदेश प्रमुख शेरचनले केसीलाई संविधानको धारा १६८(२) अनुसार ४ दलको समर्थनमा मुख्यमन्त्रीमा नियुक्त गर्नुभएको थियो ।
विधानको यस धारा अनुसार दुई वा दुईभन्दा धेरै दलको समर्थनमा नियुक्त भएका मुख्यमन्त्रीले ३० दिनभित्र विश्वासको मत लिनु पर्छ । केसीले कुल ४१ सांसद रहेको नेपाली कांग्रेस, माओवादी केन्द्र, जनता समाजवादी पार्टी र राष्ट्रिय जनमोर्चाको गठबन्धनको समर्थनमा नयाँ सरकारका लागि दाबी पेश गर्नुभएको थियो।
मुख्यमन्त्री के सी रोल्पा १ (क)बाट निर्वाचित सांसद हुनुहुन्छ। आजै सानो आकारको मन्त्रिमण्डल गठन गर्ने तयारी रहेको वुझिएको छ।
