News Portal

रेडियो सुन्नुहोस्

वर्षातका कारण डामृका ठाउँ ठाउँमा पहिरो : पैदल हिड्न कठिन

पहिरोको उच्च जोखिममा डामृ गाउँ

तेजेन्द्र बि.एम.२०७८ भाद्र २, प्यूठान
३७०४ पटक
२०७८ भाद्र २, प्यूठान

लगातारको झरी र वर्षातका कारण नौबहिनी गाउँपालिका ५ डामृका अधिकांस बस्ति पहिरोको जोखिममा परेका छन् । यहाँको ठूलोडामृ, लेतलेते र आसपासका वस्ति जोखिममा रहेको स्थानीय बताएका छन् । वर्षायाममा जोखिम भइरहने यो क्षेत्रमा यसअँघि केहि घरहरु पहिरोले बगाइसकेको छ । यो वर्ष पनि लगातार बर्षातका कारण बस्ति छेउँबाट पहिरो बगिरहेकाले आफूहरु त्रसित बनेको स्थानीय लोकेन्द्र थापामगरले बताए ।
डामृका केहि बस्तिहरुसँगै लेतलेतेको उपल्लो भेग तकमान सुनार (चेबे) को घरको पछाडिबाट पहिरो जाँदा घर भत्किएको उनको भनाई छ । सुनारका परिवार अहिले नजिकै गोठमा बसिरहेका छन् । यहि बर्षातकै कारण डामृको बसाइ स्थित अर्का तारा घर्ति मगरको घर पनि पछाडिबाट पहिरो संगै आएको रुखले घरको केहि भाग भत्किएको छ । पहिरोबाट बिस्थापित मगरको परिवार आगन नजिक गोठ बनाएर बस्न बाध्य भएका छन ।

पहिरोका कारण स्थानीय भागीराम घर्तिमगरको गोठ भत्किएर २ वटा बाख्रा पुरीएका छन् । स्थानिय बासिका अनुसार यो गाउँको अधिकांस ठाउँ पहिरोको उच्च जोखिममा रहेको बताउछन । पहिरोका कारण विद्युतको पोल ढल्दा विद्युत सेवा अवरुद्ध रहेको वडा अध्यक्ष अन बहादुर घर्तिमगरले बताए । पहिरोका कारण गाउँका थुप्रै ठाउँमा बिजुलीका पोल ढलेका छन् ।


यो संगैै बाहाने, डामृ, रोल्पा मोटरबाटो सडक खण्ड अन्तर्गतको डामृ क्षेत्रमा पहिरोका कारण बाटो अबरुद्ध हुँदा यातायातका सवारी साधन चल्न सकेका छैनन् । लगातारको बर्षातले घर माथिबाट पहिरो जाँदा घेरैका घर र आगनहरु हिलाम्य बनेका छन । स्थानीय पात्ले खोला र झेरुङ्ग खोलाको बहाव पनि बढेको छ ।

 

खोलो बढेपछि स्थानीयलाई ओहोरदोहोर गर्न कठिनाई भएको छ । बुधबारबिहान स्थानीयले बाँस तथा अन्य काठको प्रयोग गरी अहिले खोलो तर्न सक्ने साँघु बनाएका छन् । स्थानीयवासी साँघुबाट जेनतेन हिड्न सक्ने भएपनि गाडि चल्न सक्ने अवस्था छैन ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

गौमुखी भ्रमण बर्ष मनाउन पत्रकार महासंघले सहकार्य गर्ने

गौमुखी गाउँपालिकाले मनाउन थालेको गौमुखी पर्यटन भ्रमण वर्ष २०८२ को अवसरमा पत्रकार महासंघले सहकार्य गर्ने...

प्यूठानमा ३ सय २८ जोडीले गरे सम्बन्ध विच्छेद

प्यूठानमा सम्बन्ध विच्छेद गर्नेहरुको संख्या बढेको छ । आर्थिक वर्ष २०८१-८२ मा ३ सय २८...

चट्याङबाट घाईते राना खतरामुक्त, मृतक बिटालुको शव पोष्टमार्टमका लागि विजुवार ल्याईदै

शनिबार राती चट्याङ् लागेर घाईते भएका गौमुखी गाउँपालिका २ का प्रेम सुनारको उपचार भईरहेको छ...

निजी विद्यालय सञ्चालकहरूद्वारा सदरमुकाममा कोणसभा सम्पन्न

निजी विद्यालय सञ्चालकहरूले खलङ्गामा कोणसभा सम्पन्न गरेका छन् । निर्माणाधीन शिक्षा ऐनमा राखिएको प्रावधानको विरोध...

पुस्तकालय र पठन संस्कृति विषयक अन्तरक्रिया वाल मन्दिरमा सम्पन्न

पुस्तकालय र पठन संस्कृति विषयक अन्तरक्रिया कार्यक्रम वाल मन्दिरमा सम्पन्न भएको छ । भानु सामुदायिक...