News Portal

रेडियो सुन्नुहोस्

गर्भवती महिलाहरुका लागि नि:शुल्क भिडियो एक्सरे सेवा सुरु

 सागर रिजाल३ भदाै २०७८, प्यूठान
२०५६ पटक
३ भदाै २०७८, प्यूठान

ऐरावती गाउँपालिका वडा नं २ स्थित पुरन्ठाटी स्वास्थ्य चौकी बरौलामा गर्भवती महिलाहरुका लागि निशुल्क भिडियो एक्सरे सेवा सुरु गरिएको छ । लुम्बिनी प्रदेश सरकारबाट अल्ट्रासाउण्ड लगाएतका उपकरणहरु सहयोग भएपछि उक्त सेवा सञ्चालनमा ल्याईएको हो ।

 

गाउँपालिका अध्यक्ष नविलबिक्रम शाहले एक समाराेहका बिच बुधवार नि:शुल्क भिडियो एक्सरेको सुचारु गर्नुभएको हो । उद्घाटन गर्दै शाहले पालिका धुवाङ्ग र पुरन्ठाटी स्वास्थ्य चौकीबाट यो सेवा प्रारम्भ गरेको जानकारी दिनुभयो । पुरन्ठाटी स्वास्थ्य संस्था केही समय पहिलेदेखी यो सेवा सुरु भएपनि शुल्क तिरेर सेवा लिनुपर्दथ्यो, अध्यक्ष शाहले भन्नुभयो,—‘प्रदेश सरकारबाट अनुदान आएकाले अब गर्भवती महिलाले निशुल्क रुपमा सेवा लिन सक्नुहुनेछ ।’

पुरन्ठाटी स्वास्थ्य चौकीमा १५ बेडको अस्पताल निर्माणका लागि प्रक्रिया समेत अगाडी बढाईएको अध्यक्ष शाहले बताउनुभयो । त्यस्तै गाउँपालिकाका प्रमुख प्रशासकीय अधिकृत हिरालाल भण्डारीले गर्भवती महिलाहरुका लागि निशुल्क भिडियो एक्सरे सेवा सञ्चालन भएपछि स्थानीयले गाउँमै स्वास्थ्य सुविधा पाउने बताउनुभयो । उहाँका अनुसार अव यहि सेवा लिन टाढा जानुपर्ने बाध्यता हटेको छ ।

 

यस क्षेत्रका महिलाहरुलाई यो परिक्षण पालिकामै होस भन्ने उदेश्यले निशुल्क भिडियो एक्सरे सेवा सञ्चालन गरिएको उहाँको भनाई छ । निशुल्क रुपमा यो सेवा सञ्चालनमा आएपछि आर्थिक हिसाबले सहज हुने प्रमुख प्रशासकीय अधिकृत भण्डारीले बताउनुभयो । पुरन्ठाटी स्वास्थ्य चौकीका प्रमुख बसन्ता के.सी.ले गर्भावस्थामा बच्चा र आमामा हुने जटिलता पत्ता लगाई आमा र बच्चाको ज्यान बचाउने र आवश्यक व्यवस्थापन गर्ने उदेश्यले भिडियो एक्सरे सेवा सञ्चालनमा ल्याईएको बताउनुभयो ।

यस सेवा मार्फत प्रत्येक गर्भवती महिलाले कम्तीमा तीन पटक (४,६र ९ महिनामा) भिडियो एक्सरे (युएसजी) सेवा पाउनेछन ।  निशुल्क भिडियो एक्सरे सेवाको उद्घाटन कार्यक्रममा गाउँपालिका अध्यक्ष शाह, प्रमुख प्रशासकीय अधिकृत भण्डारी, अस्पताल व्यवस्थापन समितिका अध्यक्ष एवं वडा नं २ का वडाअध्यक्ष भिमेसकुमार घर्तीमगर, व्यवस्थापन समितिका सदस्यहरु र स्वास्थ्य संस्थाका कर्मचारी लगाएतको उपस्थिती रहेको थियो ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

बीमाको विषयमा पत्रकारसंग अन्तरक्रिया सम्पन्न

बीमाको विषयमा पत्रकारहरुसँग छलफल तथा अन्तरक्रिया कार्यक्रम जुम्रीमा सम्पन्न भएको छ । नेपाल बीमा प्राधिकरण...

प्यूठानमा विगतभन्दा धेरै बजेट आएको छः मन्त्री थापा

लुम्बिनी प्रदेशका सहरी विकास तथा खानेपानी मन्त्री सरोज थापाले विगतभन्दा जिल्लामा धेरै बजेट आएको बताएका...

सामुदायिकतर्फ सर्वोदय माविको नतिजा जिल्लामै उत्कृष्ट

शैक्षिक वर्ष २०८१ को एसइई नतिजामा सर्बोदय माध्यमिक विद्यालयको नतिजा प्यूठानमै उत्कृष्ट भएको छ ।...

एसइईमा सुध्रियो प्यूठानको नतिजा, भानुभक्तका प्रज्वल जिल्ला प्रथम

एसइई परीक्षा २०८१ को नतिजा सार्वजनिक भएको छ। अघिल्लो वर्षको तुलनामा यो वर्षको नतिजामा सुधार...

निर्माण व्यवसायि बालाजु श्रेष्ठ सम्मानित

ऐरावती गाउँपालिकाले निर्माण व्यवसायि बालाजु श्रेष्ठलाई सम्मान गरेको छ । निर्माण सम्पन्न गर्नुपर्ने मिति अगावै...