१३ भाद्र २०७८ प्यूठानतिलगंगा आँखा प्रतिष्ठानले विस्तारित सेवा सुरु गर्ने भएको छ।
प्रतिष्ठानले कोरोना महामारीको समयमा सेवाग्राहीको चापलाई व्यवस्थित गर्न भदौ १६ गतेदेखि विस्तारित सेवा सुरु गर्न लागेको जनाएको छ।
प्रतिष्ठानले बिहान ८ बजेदेखि ३ः३० नियमित सेवा बाहेक साँझ ६ः३० बजेसम्म विस्तारित आँखा सेवा प्रदान गर्ने जानकारी दिएको छ।
कार्यालय समयभित्र समय मिलाउन असहज भएका र व्यस्तताका कारण बिहान तथा दिउँसो उपचार सेवा लिन नसक्ने सेवाग्राहीका लागि विस्तारित सेवा सुरु गरेको जनाउँदै दिउँसो ३ बजेदेखि साँझ ६ बजेसम्म नाम दर्ता गराई सेवा लिन सक्ने प्रतिष्ठानले जनाएको छ।
त्यसबाहेक नियमित र प्रिमियम सेवा दिन चाहने सेवाग्राहीले दिउँसो ८ बजेदेखि २ः३० बजेसम्म समय नाम दर्ता गराउन सक्ने बताइएको छ।
विस्तार सेवा अन्र्तगत सामान्य आँखा जाँच सम्बन्धि सेवा दृष्टि परीक्षण तथा चस्मा जाँच सम्बन्धि सेवा, परार्मश सम्बन्धि सेवा र आँखाको पर्दा रोग सम्बन्धि सेवा, जलविन्दु सम्बन्धि सेवा, आँखाको प्लाष्टिक सर्जरी सम्बन्धि सेवा, आँखाको नानी रोग सम्बन्धि सेवा, बाल आँखा तथा ढेडोपन सम्बन्धि सेवा, आँखाको पानी धमिलो हुने (युभिआइटिस) सम्बन्धि सेवा, चश्मा हटाउने शल्यक्रिया सम्बन्धी सेवा, आँखाको क्यान्सर रोग सम्बन्धि सेवा, आँखाको नशा रोग सम्बन्धि सेवा, अप्ट्रोमेट्री सम्बन्धि सेवा, न्यून दृष्टि सम्बन्धि सेवा, कन्ट्याक्ट लेन्स सम्बन्धि सेवा, कृतिम आँखा सम्बन्धि सेवा, प्रयोगशाला सम्बन्धि सेवा, आँखा रोगहरुको शल्यक्रिया शल्यक्रिया र आपतकालिन सेवा २४ सै घण्टा उपलब्ध हुने बताइएको छ।
सेवा लिन प्रतिष्ठानको फोन नम्बर ०१–५९७००४८ वा ap[email protected] वा इसेवा मार्फ अग्रिम नाम टिपाउन सकिने छ।
स्वास्थ्यखबर
