अबिरल बर्षाका कारण सडक भास्सिएपछी गोठिवाङमा अवरुद्ध भएको चकचके-भिङ्गृ सडक खण्ड आज बेलुकादेखि खुल्ने भएको छ । स्वर्गद्वारी नगरपालिका-४, गोठिबाङमा सोमबार बिहानदेखि अवरुद्ध सडकमा ग्याविन लगाएर सडक सुचारु गर्ने तयारी भइरहेको सडक डिभिजन कार्यालय प्यूठानका इन्जिनियर अरुण केसीले जानकारी दिए ।

‘ग्याविन लगाउने, होमपाइप राख्ने, जाली भर्ने काम भइरहेको छ ।’ केसीले भने, ‘आज बेलुका सम्म जसरी पनि सडक सुचारु गर्नेछौं ।’ बर्षाको भेल सँगै होमपाइप जाम भएकाले सडक भास्सिएको थियो ।

पहिले सानो होम राखिएकोमा अहिले ठुला होमपाइप राख्न थालिएको हो । सडक अबरुद्व हुँदा सोमबार बिहान देखि सवारी आवागमन पुर्ण रुपमा बन्द थियो ।

यो रोल्पा आउजाउ गर्ने मुख्य सडक समेत हो । सडक अवरुद्ध हुँदा रोल्पा प्यूठानका दर्जनौं यात्रु अलपत्र छन् ।