जन्मदिनको केक खाँदा १३ जना बिरामी परेका छन् । सरुमारानी गाउँपालिका-२ दर्भान प्यूठानका एक बहादुर गुरुङको जन्मदिन मनाउँदा बिरामी परेका हुन् । जन्मदिन मनाउन आएका गुरुङका आफन्ती र उनको परिवार बिरामी परेको प्रेम गुरुङले बताए ।
बिरामी पर्नेमा एक बहादुर गुरुङ, कुमारी गुरूङ, गमान सिंह गुरूङ, बिष्णु गुरूङ, राजकुमार बिष्ट, शर्मिला गुरूङ, ठग बहादुर गुरूङ, बिजय गुरूङ, यमुना गुरूङ, केशव गुरूङ, कृष्णा गुरूङ, तिर्सना गुरूङ र अप्सना गुरूङ रहेका छन् ।

गुरुङको ६८ औं जन्मदिन भाद्र १५ गते मनाउने क्रममा यिनीहरु बिरामी परेका हुन् । केक खाएको अर्को दिनदेखि उनीहरुलाई टाउको दुख्ने, बान्ता आउने, ज्वोरो आउने लगायतको समस्या छ । बिरामी परेका मध्ये कुमारी अँझै अस्पतालमा उपचारत छिन् ।
अस्तालमा उपचार गराउँदा चिकित्सकले विशाक्त खानाका कारण बिरामी परेको बताएको छोरा प्रेम गुरुङले झुलेनी नेटवर्कलाइ बताए । वर्थ डे केक बिक्रि गर्ने ब्यापारीलाई कानुनी कारवाहीका लागि प्रहरीमा उजुरी गर्ने तयारी गुरुङ परिवारले गरेको छ ।