तेजेन्द्र बि.एम.२०७८ भाद्र २१
२०७८ भाद्र २१प्यूठान नगरपालिका २ दाखाक्वाडीमा केहिँ बेर अघि घर भत्किदा एक महिलाको मृत्यु भएको छ । दाखाक्वाडी विश्वकर्मा टोलकी ७८ वर्षिय देउकी बिकको सोमवार दिउँसो पुरिएर मृत्यु भएको जिल्ला प्रहरी कार्यालय प्यूठानले जनाएको छ । घरका ४ सदस्य घरबाहिर रहेकाले सकुशल छन् । मृतक बिरामी भएकाले घरभित्रै सुतीरहेको अवस्थामा घर भत्किएको वडा अध्यक्ष मुक्ति पोख्रेलले जानकारी दिए ।
गएराती परेको वर्षाका कारण घरको एकसुरतर्फको जमिन भास्सिएर घर भत्किएको हो । घर भत्किदा घरमा भएका सम्पूणर् अन्नपात, लत्ताकपडा पुरिएका छन् । मृतकको सवलाई स्थानीयवासी, प्रहरी लगायतको टोलीले सव निकालेर पोष्टमार्टमको तयारी भइरहेको प्यूठान नगरपालिका नगरप्रमुख अर्जुन कुमार कक्षपतिले जानकारी दिए ।
