प्यूठान नगरपालिका प्यूठानले संविधान दिवसको अवसर पारेर सरसफाई कार्यक्रम सम्पन्न गरेको छ । संघीय गणतान्त्रिक नेपालको छैठौ संविधान दिवसको अवसरमा शनिवार बिहान नगरपालिकाको आयोजनामा कार्यालय परिसर, विजुवारको कालिका मन्दिर, गाँजुरी स्थित शहिद पार्क र बौद्धको मुर्ति राखिएको स्थानमा सरसफाई गरीएको छ ।

कार्यक्रममा कार्यालयका कर्मचारी, जनप्रतिनिधि, सुरक्षाकर्मी, पत्रकार लगायतको सहभागिता थियो । घरायसी सरसफाई सँग सँगै वातावरणीय सरसफाईमा सबैको ध्यान पुगोस भन्नका लागि र नगरपालिकाको संभावित पर्यटकिय स्थलहरुको प्रवद्र्धन गर्न सरसफाई कार्यक्रम गरीएको हो । नेपाल सरकारले असौज २-४ गते सम्म विविध कार्यक्रमको आयोजना गरी संविधान दिवस मनाउने निणर्य गरेको छ ।