जिल्लाको ओखरकोट स्वास्य चौकिमा अल्ट्रासाउण्ड सेवा सुरु गरीएको छ । गर्भावस्थामा रहेका महिलाहरुको समयमै गर्भजाँच गरी जटिलता पत्ता लगाई समस्याको पहिचान गर्ने उदेश्य अनुरुप बिहिवारदेखि झिमरुक ५ मा रहेको स्वास्थ्य चौकि बाट सेवा सुरु गरीएको हो ।

गर्भावस्थाका महिलाहरुको उचित व्यवस्थापन गर्ने र मातृ तथा नवजात शिशुको मृत्यु दर घटाउने उदेश्यले झिमरुक गाउँपालिका अन्तर्गत रहेको स्वास्थ्य चौकीबाट सेवा सुचारु गरिएको हो । झिमरुक गाउँपालिका उपाध्यक्ष पवित्रा जि.सी.ले सेवाको उदघाटन गरेकी हुन् ।

गा.पा. अन्तर्गत र त्यस सेवा क्षेत्रभित्र पर्ने सवै गर्भवती महिलाहरुले ओखरकोट स्वास्थ्य चौकीबाट निशुल्क अल्ट्रा साउन्ड सेवा लिन पाउनेछन ।

सेवा सञ्चालनका लागि प्रदेश सरकारको अनुदान स्वरुप करिब ६ लाख ७६ हजारको बराबरको अनुदान उपलब्ध भएको स्वास्थ चौकीकि प्रमुख बिजुला बि.सि.ले बताइन । यहाँ सेवा सुरु गरीएपश्चात महँगो पैसा तिरेर घन्टौ धाएर महिलाहरुलाइ शहर धाउनुपर्ने बाध्यता हट्ने भएको छ ।