जिल्लाको प्रतिष्ठित गैर सरकारि संस्था फुलबारी एकीकृत ग्रामिण बिकास संस्था खैराको अध्यक्षमा छन्द बहादुर बस्नेत निर्वाचित भएका छन । शनिवार सम्पन्न नबौ अधिबेशनबाट बस्नेतको अध्यक्षतामा ११ सदस्यिय नया कार्य समिती सर्वसम्मत निर्बाचित भएका हुन । समितिको उपाध्यक्ष भोज बहादुर बस्नेत, महासचिव निर्मला पोख्रेल, सचिव तिला बुढाथोकी, कोशाध्यक्ष रमेश कुमार आचार्य रहेका छन ।

निर्वाचित सदस्यहरूमा लोक बहादुर कवर, कौशिल्ला आचार्य, गोविन्द बहादुर बस्नेत (ख), गोपाल बहादुर थापा, तारा नेपाली रहेका छन । त्यस्तै संस्थाको विधान अनुसार पदेन सदस्यमा गुणेन्द्र बस्नेत बनेका छन । गाउंमा क्लवको रूपमा स्थापित भएको यो संस्था लोक बहादुर बस्नेतको अध्यक्षतामा २०५० सालमा स्थापना भएको थियो ।

स्थापनादेखि शैक्षिक तथा वन वातावरण लगायत विविध सामाजिक क्षेत्रमा कार्य गर्ने संस्थाको रूपमा फुलवारि परिचित छ । यो संस्था प्युठान जिल्लामा सामाजिक तथा विकासका क्षेत्रमा कलम चलाउने पत्रकारहरूलाई विकास पत्रकारिता पुरस्कार स्थापना गर्ने पहिलो गैर सरकारि संस्था हो ।